وأضاف الرئيس السيسى، الذى زار الكاتدرائية مساء اليوم الأربعاء، :"السنة اللى فاتت قلنا عايزين نحب بعضنا بجد، ونحترم بعضنا بجد، يا رب نعرف نحب بعضنا بجد، وكل سنة وانتو طيبين"، وقال رداً على الهتافات المحبة له داخل الكاتدرائية :"احنا بنحبكم جدا".
وأوصى المصريين بعدم الاختلاف أو السماح لأحد بإحداث الوقيعة بينهم، قائلا:"عاوز أوصيكم وأوصى كل المصريين :"بالمناسبة دى.. من فضلكم توقفوا أمام كلامى جيدا..ماحدش أبدا يقدر يفرق بينا..الموضوع دا مهم أوى، ومش أنا أعمله بس، دا نعمله كلنا، وكلنا لازم نرجع مش زى زمان، أكتر، احنا مع بعض.. يا رب يديم الحب.. عاوز أوصيكم وأوصى نفسى وأوصى كل الموجودين هنا، ما فيش حاجة تؤذينا، لا ظروف اقتصادية ولا حتى سياسية، ولا أى حاجة، أى حاجة ممكن نقدر عليها إلا إن احنا نختلف، وعاوز أقو لكم ان ربنا سبحانه وتعالى سننه فى الوجود التنوع والاختلاف، مفيش حاجة واحدة غيره هو، لكن ربنا سبحانه وتعالى خلقنا مختلفين أديان.. أشكال.. ألوان.. لغات.. عادات.. تقاليد.. كل حاجة".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310412الرئيس-السيسى-فى-الكاتدرائية-(1).jpg)
واستطرد:" محدش قدر ولا هيقدر يخلى الناس حاجة واحدة، محدش هيقدر ده"، مردفاً :"كل سنة وانتو طيبين.. كل سنة وانتو طيبين".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310412الرئيس-السيسى-فى-الكاتدرائية-(2).jpg)
وأضاف رئيس الجمهورية:" لأن احنا فى مصر، اللى علمت على مدار آلاف السنين البشرية الحضارة، بتعلم دلوقتى وتقول للناس تعالوا.. انتو بتعملوا ايه، وبتقول للدنيا كلها، وعقبال الدنيا كلها تسمعنا، وبعدين تعرف اللى بتسمعه مننا، وبعدين تنفذاللى عرفته مننا، وبعدها تحول لعادات وتقاليد ياخد سنين طويلة".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310412الرئيس-السيسى-فى-الكاتدرائية-(3).jpg)
وتابع :"مفيش حاجة وحدة غيره هو .. لكن ربنا خلقنا مختلفين أديان وأشكال وألوان ولغات وعادات وتقاليد كل حاجة ..محدش يقدر يخلى الناس وأنا قلت الكلام ده قبل كدا .. لا أحد قدر قبل كده ولا هيقدر بعد كده يخلى الناس حاجة وحدة .. محدش هيقدر ده .. مش أنا بقول محدش يقدر يعمله".
وكشف الرئيس عن لقائه بأحد المفكرين، قائلا:" كنت بتكلم مع أحد المفكرين منذ أيام بقوله من فضلك احنا عاوزين نعمل كتاب أو كتب تعلم الناس ان الدنيا مش زى بعضها من أول أولادنا فى المدرسة الصغيرين لحد اللى فى الجامعة نقولهم مش زى بعضنا ونقبل ده ومش يقبلوا بس يقبلوا بحب لأن ربنا خلقنا كده.. دى وحدة".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310412الرئيس-السيسى-فى-الكاتدرائية-(4).jpg)
وأكمل السيسى حديثه:"والنقطة التانية اللى عاوز اقولهالكم اننا عملنا ده علشان ندى المثل والنموذج للمحبة الحقيقة بين الناس وبعضها البعض ومفيش حاجة تألمنا وتعذبنا أبداً .. دى نقطة تانية .. تحيا مصر بيكم تحيا مصر بيكم".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310412الرئيس-السيسى-فى-الكاتدرائية-(5).jpg)
واعتذر الرئيس عن تأخر ترميم الكنائس المحترقة، بقوله:" خلو بالكم احنا اتأخرنا عليكم فى ترميم وإصلاح اللى تم إحراقه اتأخرنا.. ان شاء الله السنة دى كل اللى اتأخر قداسة البابا هيكون متصلح.. واسمحولى أقولكم يا ريت تقبلوا اعتذارنا فى اللى حصل ده .. يا ريت تقبلوا اعتذارنا فى اللى حصل، إن شاء الله إن كان لينا نصيب من أهل الدنيا السنة الجاية ما يكونش فيه بيت واحد ولا كنيسة وحدة من كنائسكم الا لما يكون رجعناها".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310412الرئيس-السيسى-فى-الكاتدرائية-(6).jpg)
وتابع:"خلوا بالكم ده مش تفضل مننا.. ده حق واحنا مش هننسى أبداً ليكم ولا قداسة البابا الموقف الوطنى المشرف العظيم اللى اتعمل خلال الفترة دى.. أنا بشكرك يا قداسة البابا وبشكركم كلكم ..مرة تانية كل سنة وانتم طيبين وعيد سعيد عليكم وعيد سعيد علينا كلنا.. وإن شاء الله السنة الاجية تبقا خير وسلام وأمن واستقرار بينا كلنا .. وفى الأخر تحيا مصر بينا كلنا.. تحيا مصر بينا كلنا .. تحيا مصر بينا كلنا ".
وختم الرئيس كلمته، بـ" تحيا مصر تحيا مصر تحيا مصر.. تحيا بأهل مصر مش بالسيسى.. تحيا مصر بأهل مصر كلها".
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310427الرئيس-السيسى-فى-الكاتدرائية-(7).jpg)
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310427الرئيس-السيسى-فى-الكاتدرائية-(8).jpg)
![اليوم السابع -1 -2016 اليوم السابع -1 -2016](http://img.youm7.com/images/NewsPics/gallery/pics/120166234310427الرئيس-السيسى-فى-الكاتدرائية-(9).jpg)
عدد الردود 0
بواسطة:
عماد يعقوب
احلى ريس فى الدنيا
عدد الردود 0
بواسطة:
محمد
عاش الرئيس سيسي حبيب الشعب
تحيا مصر الريئس سيسي زعيم الامة
عدد الردود 0
بواسطة:
ناصر-كندا
سيادة الرئيس
عدد الردود 0
بواسطة:
مصرى
من فضلة القلب يتكلم اللسان. .....هكذا تكلم القلب المملوء حب السيسى
عدد الردود 0
بواسطة:
حمدى عبد الجواد
تحية للشعب المصرى الذى انتخب قائدا محترما وفارسا نبيلا
عدد الردود 0
بواسطة:
عزة حجازي
سيادة الرئيس عبد الفتاح السيسي
لن أندم أبدا لانتخابي لك سيادة الرئيس
عدد الردود 0
بواسطة:
داود ويس
رسالة من الرئيس إلى العالم والإنسانية
عدد الردود 0
بواسطة:
العربي
تحية الى الرئيس المحترم و كل عام ومصر بخير بمسلميها و اقباطها رغم كيد الجهله -
عدد الردود 0
بواسطة:
د أشرف أيوب
شكراً جزيلاً سيادة الرئيس
عدد الردود 0
بواسطة:
لوجيستي
كل سنة وانت طيب يااغلي الحبايب