خالد الغندور:"ماكليش كان قاعد بمؤتمر تقديمه مش عارف مرتضى منصور بيقول أيه"

انتقد الإعلامى خالد الغندور، الحديث الذى أدلى به مرتضى منصور رئيس نادى الزمالك، خلال المؤتمر الصحفى الذى انعقد صباح اليوم السبت لتقديم المدير الفنى الجديد الإسكتلندى أليكس ماكليش لوسائل الإعلامى، وتطرق رئيس النادى خلال المؤتمر للحديث عن قضية الزامبى إيمانويل مايوكا، وأزمته مع رجل الأعمال محمد الأمين، وأحمد حسام ميدو المدير الفنى السابق للأبيض، والأزمة الأخيرة التى أفتعلها توفيق عكاشة باستضافته السفير الإسرائيلى فى منزله.

وقال الغندور أثناء تقديم برنامجه "اللعبة الحلوة": "أنا اضيقت جداً، ماكليش قاعد فى المؤتمر مش عارف مرتضى منصور بيقول إيه، المؤتمر فى الأساس معمول علشان تقديم الخواجة، لكن الراجل فضل قاعد ساعة إلا ربع بيسمع كلام مالوش علاقة بيه، وكان ممكن يقولك أنا إيه اللى جابنى هنا يا جدعان، ده إيه اللى بيحصل ده، بقى ده مؤتمر صحفى لتقديمى؟!".

وأضاف الغدور: "ماكليش ده راجل أجنبى ومدير فنى عالمى وأول مرة يجى مصر، المفروض أعمل مؤتمر صحفى ليه وبس، بعد كده أقوله شكراً وبعد ما يقوم ويمشى أعمل أنا مؤتمر للكلام التانى اللى عايز أقوله، لأن هو ماله ومال الكلام ده، ولو شفنا شكله وهو قاعد فى المؤتمر خلف مرتضى منصور كان متضايق جداً".