افتتح المهندس عاطف عبد الحميد، محافظ القاهرة، منفذ شراء المخلفات الصلبة بشارع أسوان المتفرع من ميدان المحكمة يليه افتتاح منفذ آخر بميدان ابن سندر، مؤكدا أن الفكرة سيتم تعميمها.
وقال المحافظ، اليوم السبت، إن هذه الأكشاك تم إنشاؤها بجهود منظمات وجمعيات المجتمع المدنى من خلال التبرعات، مشيرا إلى أن هناك متعهدين سيقومون بجمع القمامة لإعادة تدويرها من خلال تلك المنافذ، كما أن الفائدة التى ستعود على المحافظة من خلال تقليل معدلات القمامة بالشوارع.
وأضاف المحافظ خلال افتتاحه المنفذ، أنه تم اختيار مكانين ليكونا تجربة باعتبار أن الفكرة خرجت من حى مصر الجديدة، وسيتم تعميمها حال نجاحها، قائلا: "اتفقت مع رئيس هيئة النظافة لتخصيص سيارات لشراء القمامة من المحلات".
وأضاف المهندس عاطف عبد الحميد، أن هناك نوعا من التنافس بين رؤساء الأحياء، خاصة وأن أحياء المحافظة ينفذ بها أكثر من 20 مشروعا، ما بين ساحات للباعة الجائلين وكبارى ومحاور وأسواق جديدة وتطوير الكورنيش وحماية القاهرة التراثية.
ووضعت أجهزة حى مصر الجديدة بالتنسيق مع الجمعيات الأهلية وهيئة نظافة وتجميل القاهرة، قائمة بأسماء وأسعار المخلفات التى سيتم شراؤها من المواطنين بالكيلو، وجاءت كالتالى:
الإنفوجراف
- كيلو "الكانز" بـ9 جنيهات
- كيلو البلاستيك بـ3 جنيهات
- كيلو الزجاج بـ20 قرشا
- كيلو الكارتون بجنيه
- كيلو الورق بـ80 قرشا
عدد الردود 0
بواسطة:
ميشو
فنكوش فنكوش
فنكوش فنكوش فنكوش فنكوش فنكوش المواد العضوية هتكلها العيال و المدام انتم هتاخدو المفيد بس و المواطن هيرمي باقي الزبالة في الشارع وهتشوفوووو فيها فلوس فيها فساد ههههههههههه
عدد الردود 0
بواسطة:
واعظ العيد
ياريت من معالي المحافظ وضع تسعيرة للبامبرز المنتشر في ربوع القاهرة
ياريت من معالي المحافظ وضع تسعيرة للبامبرز المنتشر في ربوع القاهرة
عدد الردود 0
بواسطة:
مصر
تععليق 1 و 2
أتقوا الله
عدد الردود 0
بواسطة:
احمد
نعم
صاحب التعليق رقم واحد انتا معلم كلامك مظبوط فنكوش بس باقي الناس مش عارفة ان اي حاجة تعملها الموظفين فنكوش
عدد الردود 0
بواسطة:
المصرى افندى
وما موقف مبلغ ال 9 جنيه ..؟
هل ستلغى الدولة مبلغ ال 9 جنيه التى ندفعها لجمع الزبالة على فاتورة الكهرباء ظلما وابتزازا ؟
عدد الردود 0
بواسطة:
مواطن
تعالوا نفكر سوا ...!!!
دلوقتى أنا هاسيب شغلى وأقعد أفرز لكم الزباله الصلبه ... طيب وباقى الزباله هاوديها فين ؟؟ طبعا هارميها فى الشارع .. لأنى بادفع فلوس على فاتورة الكهرباء ومحدش بياخد منى الزباله وده نوع من بلطجة الحكومه على الشعب وغير دستورى .. علشان الشعب مايرميش زباله فى الشارع لازم الحكومه تحترم المواطن وتبطل تبلطج عليه ... متطلبوش من المواطن أن يكون مثالى وحكومته قمه فى البلطجه ...
عدد الردود 0
بواسطة:
midooo
فكره ممتازه
بالتوفيق ..ودعكم من الغريان الحاقده .
عدد الردود 0
بواسطة:
محمد مشعل
بيع زبالتك
من العبقري اللي اختار الإسم ده ... ممكن إسم مشروع تدوير القمامة ... حافظوا علي نظافة مصر
عدد الردود 0
بواسطة:
osama ismahil
بقر
المشروع ده كان حلم واحد صاحبى من 10 سنين وقالى انه بيكسب دهب وفى ناس شغالين فيه على صغير بيلموا عربه كارتون او كانز ويبيعه بالكيلو - الدوله دخلت بدالهم وعاوزه البضاعه جاهزه وباقى الزباله نخزنها فى البيت
عدد الردود 0
بواسطة:
بنت مصرية
ده حل للحكومة مش للشعب !!
بداية المشروع مش هيحل مشكلة القاء القمامة فى الشوارع لسبب بسيط جدا , لما يبقى كيلو الكانز مثلا بتسعة جنيه , انتوا متخيلين الكيلو ده كام علبة ؟؟ دا سعر الكانز دى ممكن يعدى الألف جنيه !! طيب هل ربة البيت هتحوش عندها كانز بألف جنيه علشان تبيعها بتسعة جنيه ؟؟ او تحوش عندها زجاجات بلاستيك بألف جنيه علشان تبيعها بتلاتة جنيه ؟؟ مش منطقى بالمرة طبعا , فهتكون النتيجة اننا برضه هنرمى الزبالة فى الشوارع , فمين بقى اللى هيلم الكلام ده ويبيعه؟؟ الزبالين اللى هينزلوا بعربياتهم الكارو على مقالب الزبالة يلموا الكلام ده ويبيعوه وهما اصلا من غير المشروع العملاق ده بيعملوا كده !! او اصحاب المطاعم والكافتريات والمحلات اللى عندهم كميات كبيرة من المخلفات دى ودول برضه بيبعوها للزبالين يعنى مش محتاجين مشروعكم فى حاجة !! طيب والمخلفات العضوية بقى هيبقى مصيرها ايه ؟؟ هتفضل مغرقة الشوارع ومقالب القمامة زى ماهى !! يبقى اذن الوضع على ماهو عليه و المشروع ده مأضافش أى جديد ولا ساهم فى حل المشكلة بأى شكل من الأشكال , اضافة لده فأنا كمواطن هفضل برضه ادفع فاتورة جمع القمامة المضافة على فاتورة الكهربا !! لو كانت الحكومة عاوزة حل للمشكلة فعلا , كانت توفر خدمة حقيقية تجمع الزبالة بكل محتوياتها من غير لا بيع ولا شرا وتبعتها مصانع التدوير اللى تدور كل نوع من المخلفات على حسب نوعه , يعنى المخلفات العضوية تتحول لأسمدة زراعية مثلا , وغيرها من المخلفات يعاد تصنيعه على حسب هو ايه , قولولنا ان هدفكم من المشروع هو انكم بدال ما تفرزوا انتم الزبالة المواطنين من الزبالين هما اللى يفرزوهالكم وتبقى المخلفات العضوية بس هى اللى تفضل فى المقالب فتنزلوا تلموها وتاخدوها على مصانع السماد علطول يبقى كلام منطقى ونتفهمه , انما تقولى انك عاوز تحللى انا كمواطن موظف وللا عامل مشكلة الزبالة بأى احوشلك فى بيتى الزجاجات والكانز والعلب الكارتون اللى انا اصلا جايبها بألاف الجنيهات علشان فى الآخر ابيعهالك بملاليلم , ده كلام لا يعقل الحقيقة .