فضيله الشيخ.. قداسة البابا
كل الناس الغلابة
أصحابى وكل الطيابا
مينا ومحمد وسلامة
لكل المجروحين والثكالى
صليب مرسوم على يمينى
وعلامة منقوشة ف جبينى
هلال ف مدنة آذان وطبلة
جرس ف كنيسة
دا سيدنا عيسى
الوطن موجوع
شفاعتك يا محمد
بركات النبى يسوع
الوطن لينا مشروع
والحق دا موضوع
لأهلى وكل ناسى
بأُقدم أحر التعازى
إن كان حد ناسى
التاريخ ما ينساشى
لما مرقص ويا مينا
عبروا معانا الهزيمة
بالوحدة والعزيمة
رفعنا راسنا وزدنا قيمة
معقول تبعدنا عنهم جريمة
ولا جرجس ويا سمعان
لما صاموا معايا رمضان
والله أنا زعلان
راح فين عهد الأمان
وعشرة بقالها زمان
بقى فعل واحد جبان
ينسينا يا إخوانا اللى كان
دى بلدنا مهما كان
والدين للواحد الديان