وزير التعليم العالى يعتمد تنسيق المرحلة الثالثة للثانوية العامة

الإثنين، 12 سبتمبر 2011 - 02:15 م

وزير التعليم العالى الدكتور معتز خورشيد

(أ.ش.أ)

اعتمد الدكتور معتز خورشيد وزير التعليم العالى والبحث العلمى والتكنولوجيا اليوم الاثنين نتيجة تنسيق المرحلة الثالثة للقبول بالجامعات والمعاهد العليا للطلاب الحاصلين على الثانوية العامة بحد أدنى 205 درجات لأقل من 324 درجة بالنسبة للشعبة العلمية وبحد أدنى 205 درجات لأقل من 5 .266 درجة بالنسبة للشعبة الأدبية.

وصرح عبد الحميد سلامة وكيل أول وزارة التعليم العالى والمشرف العام على موقع التنسيق بأن عدد الطلاب المتقدمين للمرحلة الثالثة من الدورين الأول والثانى للثانوية العامة بلغ 83 ألفا و870 طالبا وطالبة منهم 32الفا و482 طالبا وطالبة بالنسبة للمجموعة العلمية فيما بلغ عدد طلاب المجموعة الأدبية 51 ألفا و388 طالبا وطالبة .. مشيرا إلى أن هناك ألفين و394 طالبا وطالبة لم يتقدموا برغباتهم عن طريق شبكة الإنترنت من طلاب هذه المرحلة.

وأوضح عبد الحميد أن عدد الطلاب المرشحين فى المرحلة الثالثة بالكليات الجامعية والمعاهد التابعة للوزارة فقد بلغ 83 ألفا و544 طالبا وطالبة منهم 32 ألفا و173 طالبا طالبة للمجموعة العلمية و51 ألفا و371 طالبا وطالبة للمجموعة الأدبية.

تعليقات (20)

1

حرام

بواسطة: احمد الصوامعى

بتاريخ: الإثنين، 12 سبتمبر 2011 02:31 م

اهمال شديد بالنسبه للدبلومات الفنيه ليه كده

2

العار

بواسطة: محمد الي بيحب بلدة

بتاريخ: الإثنين، 12 سبتمبر 2011 02:46 م

بجد عار علي البلد ادي الدبلومات الفنيه اخر حاجه مع ان ي جماعه لو اهمنا بالدبلوومات حطلع ايد عامله تعمر في البلد كتير حسبي الله ونعمه والووكيل مصر لسه متخلفه

3

الف شكر

بواسطة: أستاذ جامعي

بتاريخ: الإثنين، 12 سبتمبر 2011 02:48 م

شكرا للسيد الوزير علي هذا المجهود غير العادي و الابداع في انجاز هذه المهمة الشاقة.... ربنا يوفقه و يقولنا هو بيعمل ايه غير مثل هذه المهام

4

حرااااااااااااااااااااااااااااام

بواسطة: دعاء رمضان

بتاريخ: الإثنين، 12 سبتمبر 2011 02:56 م

على فكرة انا معاكم انا عايزة افهم حاجة هى الديلومات الفنية دول مش بشر ومش بيذكروا ويتعبوا عشان ينجحوا اية الفرق ببنا وبين الثانوى العام دة يمكن احنا احسن من الثانوى العام كمان

5

ماذا عن الشهادات المعادلة

بواسطة: مجدى زكى اندراوس

بتاريخ: الإثنين، 12 سبتمبر 2011 02:58 م

وماذا عن نتيجة الشهادات المعادلة (الامريكية والانجليزية) لقد تم التقديم للتنسيق منذ اكثر من شهر والى الان لم تظهر النتائج لعل المانع خير خاصة ان دخول الجامعات على الابواب

6

الثانوي الفني

بواسطة: عزوز

بتاريخ: الإثنين، 12 سبتمبر 2011 03:29 م

احب اقول حاجة للصايعين بتوع الصناعه انتم عايزين تساو نفسكم بينا(الثانويه العامه) احنا تعبنا اوي في المذاكره واحب اسال سؤال حد فيكو كان بيسهر لحد الساعه (٢) ويصحي الساعه(٥) ؟.انا بقي كنت بعمل كده وهذا رد علي الاخت اللي بتقول انهم احسن من الثانويه العامه .انافي رايي المفروض يمنعوكم من دخول الكليات والمعاهد لان انتم صايعين وضايعين ومينفعشي تتساوو بينا علي الاطلاق

7

مأساة الشهادات المعادلة

بواسطة: afaf

بتاريخ: الإثنين، 12 سبتمبر 2011 03:36 م

يارب عقبالنا ربنا يفرج كربنا ونعرف ولادنا رايحين فين الأجازة خلصت ومدارس ولادنا في السعودية بدأت ومازلنا متغيبين عن اعمالنا لحين الاطمئنان على نتائج أولادنا

8

والله حرام

بواسطة: محمد عامر

بتاريخ: الإثنين، 12 سبتمبر 2011 03:45 م

حرام كده ايه الى انتو بتعملو داه فين النتيجه بتاعت التنسيق للدبلومات الفنيه حرام كده انتو عايزين تكرهو الناس فيكو اكتر من كده هاتطلع امتى وخلاص الدراسه الجامعات اول عشره ازى هانقدم امتى وهانعرف احنا فين امتى كده حرام

9

الى صاحب التعليق رقم 6

بواسطة: ابو كريم

بتاريخ: الإثنين، 12 سبتمبر 2011 04:01 م

اتمنى منك القراءة والثقافة خارج نطاق ماتحشر بة مخك الى الساعة الثانية صباحا الاتعلم ان دولا كنا نسبقها علميا وحضاريا ويفضل اهتمامها بالتعليم الفنى ودراسة احتياجاتها من الخريجين اصبحت من الثمانى الكبار ونحن مازلنا من العالم الثالث مادا تفعل مصر بعشرات الالاف الخريجين النظريين وايضا العملييين الجهلة العلم بالعملوالتثقيف
اافسم باللة شوفت خريج جامعة مش عارف سكتب عربى
جتكم نيلة على العلم والتعليم اللى ببتعلموة وفين ادب الحوار هو دة اللى اتعلمتة فى التعليم العام وللاسف الوزارة اللى بتعلمكم اسمها التربية والتعليم
ولا في تربية ولا فى تعليم وعجبى

10

تاجيل الدراسة بالاسكندرية

بواسطة: nour

بتاريخ: الإثنين، 12 سبتمبر 2011 04:05 م

لقد ترددت اخبار عن تاجيل الدراسة بالاسكندرية حتى يوم 2 من اكتوبر 2011 فهل لهذا الخبر اساس من الصحة؟

11

الاخ عزوز

بواسطة: !!!!!!!!!11

بتاريخ: الإثنين، 12 سبتمبر 2011 04:10 م

الدبلومات الفنية احسن بكثير من الثانوية العامة لان شهادة الدبلوم معترف بيها وبيتم التوظيف بيها لاكن بالنسبة للثانوية العامة لو مجبش مجموع مش هتلاقى تأكل عيش حاف سعتها احكم مين اللى فى الشهاديتين اللى هيبقى صايع وجاهل كمان .

12

الشهادات المعادله

بواسطة: mohamed

بتاريخ: الإثنين، 12 سبتمبر 2011 04:10 م

بسلامته بقي هيحن ويخرج نتيجة الشهادات المعادلة امتي ان شاء الله بقالهم شهر واكتر وواخدين من كل طالب 500 جنيه زي ما يكونوا دول مش مصريين او انهم مصريين انتساب وحتي النتيجة معلقينها الله يعلقهم من رقابيهم ان شاء الله كل مسئول نايم في الخط وعامل مهم

13

الى صاحب التعليق رقم 6

بواسطة: سمسمة

بتاريخ: الإثنين، 12 سبتمبر 2011 04:12 م

شكرا اوى على كلامك وانا ليا اصحاب فى الثانوى العام مش محترمين وكل مكان فيه المحترم والقليل الادب ودا حسب التربية

14

رض على فيلسوف الثانوى العام (عزوز)

بواسطة: nader

بتاريخ: الإثنين، 12 سبتمبر 2011 04:20 م

احب اقول لحضرتك ان فى حاجة اسمها صنايع خمس سنوات بتاخد من مجموع ضعف الى الثانوى العام بيخدة وبيدرسو مواد عملى ونظرى يعنى اوائل الاعدادية فإذا كنت جاهل بالشئ لا تفتى

15

المركز الدولى للغات

بواسطة: المركز الدولى للغات

بتاريخ: الإثنين، 12 سبتمبر 2011 04:23 م

يسعد لمركز الدولى للغات ان يفتح باب القبول للحاصلين على الثانوية العامة والأزهرية والدبلومات الفنية نظام الخمس سنوات والثلاث سنوات للتأهيل بنظام سنتين دراسيتين وذلك للحصول على شهادات دولية معتمدة فى مجال الحاسب الالى واللغات من الأكاديمية الأمريكية الدولية وموثقة من وزارة الخارجية المصرية والتربية والتعليم المصرية للحجز والإستعلام برجاء الإتصال بمقر المعهد 18 شارع أحمد كامل خلف محافظة الجيزة أو تليفون 38581431-0125422215

16

نتيجة التنسيق

بواسطة: ساره

بتاريخ: الإثنين، 12 سبتمبر 2011 05:03 م

الأخ البيقول أحنا كنا بنسهر لحد الساعه 2 ونصحهالساعه 5 أحنا بقى كان بيجى علنا أيام وبنمش خالص وأحنا فعلا أحسن منكم لأننا كفايه أوى أننا بنعرف نرسم ووخدين على الرسم الهندسى أنتو بكتركو بتحفظو وتذكرو مواد مش مفهومه لاكن طلبة الدبلومات بتتدخل الكليه وبتكون أحسن من الثانوى العام بكتير لما تتدخل الكليه هتشوف ده بنفسك

17

شبين القناطر

بواسطة: محمد الفقي

بتاريخ: الإثنين، 12 سبتمبر 2011 05:18 م

ايوه ما اه الثا نوى العام احسن من الدبلوم بكثير

18

ألحقوا هند حنفى حتخرب الدنيا

بواسطة: إبراهيم جمال

بتاريخ: الإثنين، 12 سبتمبر 2011 05:38 م

يا معالى الوزير ألحق هند حنفى رئيس جامعة الإسكندرية حتخرب الدنيا وتولعها وحتضيع مستقبل أولادنا فى جامعة بيروت العربية بالإشتراك مع نائبها لشئون الطلاب رشدى زهران أمين السياسات السابق بالحزب المنحل وسوف تخسر جامعة الإسكندرية ملايين الجنيهات التى تحصل عليها من جامعة بيروت العربية بخلاف الأرتباط الوثيق بين الجامعتين من الستينات وحتى مجئ ند حنفى وذك بسبب تمسك ملاك وأصحاب الجامعة برئيسها المصرى د. عمرو العدوى

19

تنسيق ايه يا دكتور

بواسطة: fars_elkalam

بتاريخ: الإثنين، 12 سبتمبر 2011 05:44 م

موش تشوف رجالتك اللي بيقولو عام جامعي بلا دراسه وتحل لهم مشاكلهم
والا اهم شيء هو كرسي الوزراه
نفسي تفهمو انها انتقاليه
وكده كده ماشين وموش كده كمان دامت لمين علشان تدوم لكم







20

طالبة جامعية

بواسطة: زهراء

بتاريخ: الإثنين، 12 سبتمبر 2011 05:46 م

على فكرة يا جماعة الثانوى الفنى والصناعى فيه عقول ممتازة جدا وطلبة عمليين بجد , جايز هما مقدروش يدخلوا ثانوى عام بسبب المصاريف الخيالية على الدروس الخصوصية , الثانوى العام كمان فيه طلبة كويسين جدا وفيه برده طلبة اى كلام داخلين منظرة وخلاص وزى ما فى العام طلبة مستواهم قليل فى بردة كده فى الفنى بس الفرق ان الطالب اللى عارف انه ميقدرش يمشى فى عام ودخل فنى طالب عنده كرامة وحسن تصرف على الاقل مابهدلش اهله فى مصاريف مالهاش لازمة . بس المشكلة ان فى مصر الموضوع ماشى غلط ومفيش اى تقدير لطلبة الفنى والصنايع والله ولا حته العام يعنى هما الجامعيين عملوا ايه وده اكبر دليل على ان مستوى التعليم فى مصر سئ جدا

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر تعليقاً