انتقدت عدم استقبال الجنزورى لرئيس حكومة غزة..

صفحة على "فيس بوك" لإعادة استقبال هنية بشكل لائق فى مصر

الأحد، 08 يناير 2012 - 08:04 ص

إسماعيل هنية

كتب هانى جريشة

أطلق عدد من النشطاء صفحة باسم "مش هنكسفك زى ما عملت حكومة الجنزوري" لدعوة الشباب المصرى لإعادة استقبال، إسماعيل هنية، رئيس وزراء فلسطين، شعبياً بالشكل اللائق بعد عدم الاهتمام الرسمى والإعلامى الذى قوبل به، على حد وصفهم، فى الزيارة الماضية.

ودون النشطاء على الصفحة قائلين: "إحنا المصريين.. ثرنا على الظلم واللى قتلونا 30 سنة.. إحنا المصريين.. وقفنا فى وش العسكر والأمن المركزى، وقلنا "لأ" لكرماتنا وحريتنا وحقوقنا الضايعة.. إحنا المصريين.. مش هانسمح بعد كده لأى حكومة إنها تهين رموز الأمة العربية والإسلامية، وتعاملها بتهميش أو استخفاف، وهننزل نقابل هنية فى المطار يوم الاتنين لما ييجى هنا وهو راجع غزة.. إحنا المصريين.. كرماء.. عندنا أصل.. بنحترم الضيف والرمز والقائد.. واللى بيقف فى وش الحصار والصهاينة والمحتلين.. إحنا المصريين بنحب إسماعيل هنية".

يذكر أنه من المقرر أن يعود هنية لزيارة مصر يوم الاثنين المقبل فى طريق عودته لقطاع غزة المحاصر.

تعليقات (66)

1

تفاهات

بواسطة: mahmoud

بتاريخ: الأحد، 08 يناير 2012 08:13 ص

حان وقت العمل ..... بطلو تفاهات

2

احنا المصريين

بواسطة: أدهم

بتاريخ: الأحد، 08 يناير 2012 08:18 ص

احنا المصريين بنأيدكم وبنقول لاسماعيل هنيه اهلا بيك فى بلدك ووطنك ووطن كل الفلسطنيين مصر
اهلا بيك فى ارض الحريه وارض الكرم وارض الامان
اهلا بيك ومرحبا بين شعب تحرر من الظلم ويعمل على نصرة شعب فلسطين وتحرير الاقصى
اهلا بكل بطل مجاهد مقاوم للصهاينه المعتدين

3

نريد رئيسا يخاف الله مثله

بواسطة: زينب

بتاريخ: الأحد، 08 يناير 2012 08:19 ص

رجل يعمل فى صمت ومبتغاة مرضاة الله ونصرة وتحرير وطنه أرجو أن يجود الزمان دائما بمثله

4

تصحيح الاخطاء

بواسطة: dr m abd elaziz

بتاريخ: الأحد، 08 يناير 2012 08:21 ص

المصريين هم اللى بيصححوا الاخطاء دائما ومش بس للحكومه ولكن للمحررين اللى مش عارفين يكتبوا (كرامتنا ) صح

5

الف تحية للمقاومة

بواسطة: مصرية

بتاريخ: الأحد، 08 يناير 2012 08:22 ص

كلام صحيح طبعا انسان يستحق كل الاحترام

6

هو ده

بواسطة: صمت الوداع

بتاريخ: الأحد، 08 يناير 2012 08:22 ص

الشباب دي بتفهم صح

واللي يقف مع اللي ضد الصهاينه واليهود ربنا هينصرو ان شاء الله

7

الغزاويه

بواسطة: مصرى مغترب

بتاريخ: الأحد، 08 يناير 2012 08:26 ص

اكثر ناس بتكره مصر والمصريين هم اهل فزه الغزاويه والله على ما اقول شهيد

8

كلمة حق

بواسطة: كلمة حق

بتاريخ: الأحد، 08 يناير 2012 08:29 ص

و اخبار تفجيرات خطوط انابيب الغاز اية
احنا نستقبلة كويس في مصر وتانى يوم الصبح يتفجر خط انابيب اخر مما يعود بالضرر علي الاقتصاد المصري ويستشهد في عمليات المطاردة العشرات من الجنود والضباط المصريين

9

الـــــــــزل

بواسطة: محمد السيد

بتاريخ: الأحد، 08 يناير 2012 08:33 ص

الى الاخ كاتب هذا الخبر (هاني جريشة)
مع كل الاحترام لنشرك هذا الخبر، أنت لا تعلم مدى معاملة الفلسطينيين للمصريين بالغربة. بمعنى إذا كان فلسطيني مدير في مكان ما فإنه لا يرحم المصري ويأكل أجره. أنا لا اتكلم عن معاملة شخصية بمفردي لا إن الفلسطينيين لهم عقارات في مصر اكثر من اي مصري مغترب. وأحيانا اذا قلت لفلسطيني شيئا ما عن وطنه فإنه يقول لك إنه اسرائيلي يحب اسرائيل وقد صادفني كثير من هذه النوعية بالخليج.

10

الى رقم1

بواسطة: الى رقم 1

بتاريخ: الأحد، 08 يناير 2012 08:34 ص

مصر هى خط الدفاع الاول عن جمهورية غزه...ده كلام عمنا هنيه للمرشد الاعلى ..

11

كرم المصريين

بواسطة: محمد بدوى - السويس

بتاريخ: الأحد، 08 يناير 2012 08:42 ص

هذه هى أخلاق المصريين فى الإستضافة

12

حاجة غريبة

بواسطة: ابو يوسف

بتاريخ: الأحد، 08 يناير 2012 08:44 ص

ماتروح ياخويه تقابل اللى عاوز تقابله.... تشكى لنا همك ليه .... انت مش فاهم حاجة .. كل اللى انت عاوزة ان صوتك يطلع وخلاص والجرايد تكتب عنك والفضائيات تقابلك ... روح ياعم استقبل البطل المغوار اللى بيدخلك عن طريق الانفاق سلاح ومخدرات ودولارات مزورة واحنا نبعت لهم رز وسكر وملابس وسيارات جديدة بدون جمارك ... روح ياخويه قابل "جمال عبد الناصر".... روح يارب ياخدك معاه هناك وربنا يرحينا منك ومن اللى زيك اللى عاملين رجاله وهما مش لاقيين ياكلوا .... المرجله الزيادة عن اللزوم دى هى اللى ودتنا فى داهية وخلتنا فى اسافل الامم وخلت بلاد البدو يتكبروا علينا بعد ماعلمناهم وضحينا وحاربنا عشانهم .........وفعلا .... فعلا ... بعد ان تخلى عنك الجميع حتى ابنائك ..." لكى الله يا مصر "

13

انتو المصريين اللى هانتو رموز البلد وبتقولوا احنا المصريين (( يالا العجب )) علشان انتو مصر

بواسطة: مصطفى

بتاريخ: الأحد، 08 يناير 2012 08:46 ص

انتو المصريين اللى هانتو رموز البلد وبتقولوا احنا المصريين (( يالا العجب )) علشان انتو مصريين

انتو المصريين اللى هانتو رموز البلد وبتقولوا احنا المصريين (( يالا العجب )) علشان انتو مصريين

انتو المصريين اللى هانتو رموز البلد وبتقولوا احنا المصريين (( يالا العجب )) علشان انتو مصريين

14

كتكم خيبة

بواسطة: محمد محمود

بتاريخ: الأحد، 08 يناير 2012 08:48 ص

كتكم خيبة اهوا دة الا انتو فالحين فية

15

اي رمز يا جماعة - ولا ده نفاق للاخوان المسلمين في مصر !!!؟

بواسطة: هشام محمود

بتاريخ: الأحد، 08 يناير 2012 08:49 ص

اكيد المجموعة دي من شباب الاخوان - لو هنية رمز لانه كان سبب مباشر في قتل اهالي غزة على يد الاسرائلين تبقى دي مشكلة كبيرة - لو هنية رمز لانه انتهك حرمة مصر وحدود مصر وخطط لانصار حماس وحزب الله اللبناني بالتعاون مع الاخوان في مصر لمهاجمة سجون مصر وقتل ضباطها وعساكرها تبقى مصيبة يا شباب الاخوان - لو هنية رمز لانه انشق على السلطة الفلسطينية واعلن غزة امارة اسلامية وشتت فلسطين اكتر ماهي مشتته تبقى كارثة - للاسف الشديد الاية اتقلبت - بس مصر بساساتها الكبار ومفكريها ان شاء الله لن تنزلق الى هذا المزلق الخطير - اكيد شباب الاخوان اتخدعوا باعلان حماس الاخير انها ستكون تلابعة لاخوان مصر !!!؟

16

تحية للي عمل الصفحة

بواسطة: مصراوي اصيل

بتاريخ: الأحد، 08 يناير 2012 08:50 ص

الي عمل الصفحة هو مثال للوطنية عشان ازا محترمناش رموز المقاومة حنحترم مين !!
و الجنزوري بان على حقيقته بالحركة الي عملها دي

17

مرحبا بالاخ القائد المناضل

بواسطة: المواطن

بتاريخ: الأحد، 08 يناير 2012 08:50 ص

مرحبا بالاخ القائد المناضل الامام الخطيب المجاهد اسماعيل هنيه فى بلدك الام مصر ولا للشائعات التى كان يطلقها النظام البائد حبا فى اسرائيل لتشويه صوره المجاهدين.

18

صفحة غريبة

بواسطة: slam2000

بتاريخ: الأحد، 08 يناير 2012 08:50 ص

ربنا مايحرمكم من العبط والهبل ...... مش فايدة فينا ياشعب مصر
هنية رجل محترم وكلنا نحبة ونعزة ..... لكن ماهي الصفة الدولية التي سوف يتم استقبالة عليها
هذة صفحة فتنة ربنا يكفينا شرهم

19

مولد و صاحبه غايب

بواسطة: neo

بتاريخ: الأحد، 08 يناير 2012 08:50 ص

و يا ريت يعملوا جماعة " أحنا اسفين يا هنية" و كل من له نبى يصلى عليه
الفراعنة الجدد

20

ارحمونا بقى

بواسطة: موني

بتاريخ: الأحد، 08 يناير 2012 08:51 ص

واللة العظيم دة حرام عليكوا البلد أنتو مش لاقيين لكم شغلانة غير القرف دة .فوضى و موامرات ومظاهرات واعتصامات و خناقات واتهامات و شغل ....... مافيش . أية يعنى ماهو فية شخصيات كتيير حضرت الى مصر وااجتماعات كتيير لية ماقلتوش كدة ولا هو اى تخرييب و خلاص . وأللة امفروض اى يعمل كدة يحاسب بدل مايسيب شغلة و يروح يستقبل و يوصلوا يروجوا يشتغلوا و يبنوا بلدنا . بلاش قرف بقي

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً