بالصور.. الصدفة تقود وزير البيئة لجبل من القمامة منذ 33 عاماً خلف حديقة بدر.. والأهالى يطالبونه بالرحيل وتركهم وشأنهم خوفاً من هدم "300 عشة" وتشريدهم

الأربعاء، 03 أكتوبر 2012 - 01:17 م

الدكتور مصطفى حسين كامل وزير الدولة لشئون البيئة

كتب منال العيسوى

قادت الصدفة الدكتور مصطفى حسين كامل، وزير الدولة لشئون البيئة، خلال استكماله لحملة وطن نظيف ورفع التراكمات من منطقة بحى أول السلام بجسر السويس، لجبل بارتفاع 50 أمتار تقريباً من تراكمات القمامة ومخلفات البناء بمنطقة بين منشية السد العالى بحى السلام أول خلف حديقة بدر بشارع جسر السويس وشارع الخمسينى، وهو موقع مختلف عن المقرر تفقده.

فى بداية الشارع الضيق خمس عشش من الخشب والصفيح تجلس أمامها مجموعة من النساء والأطفال يترقبون بعيونهم الوفد الذى أغلقت سيارته مدخل الشارع، يتهامسون فيما بينهم من هؤلاء، وبعد نهاية العشش يأخذك الطريق لمساحة شاسعة قد تتجاوز الـ10 أفدنة، وعلى مرمى البصر مئات من العشش الخشبية والصفيح.

الشارع الضيق يفصل بين وجهين لمصر، الوجه الأول هو العشوائيات والبنى آدمين الذين يعيشون بين أكوام القمامة ويرعون الأغنام والماعز، والثانى هو البنايات العالية والعمارات الحديثة التى تجاوزت الـ10 أدوار وواجهات المبانى تطل على جبل القمامة.

فوجئ الوزير بأهالى المنطقة التى لم يتفقوا على عنوان موحد، فمنهم من قال إنها نهاية شارع العشرين خلف حديقة بدر، ورئيس الحى أكد أنها بداية الخمسين مع ماسورة الطوارئ بجسر السويس، لكن الوزير لم يهمه العنوان بقدر ما صدم فى هذا الكم الهائل من المخلفات للبناء والقمامة، مؤكدا أنه سيتم معرفة وضع الأرض وملك من من الأجهزة والوزارات لمعرفة إمكانية تصليحها ورفع التراكمات منها، وتحويلها لمستشفى أو مدرسة أو حديقة لأهالى المنطقة.

روى الأهالى للوزير تاريخ المنطقة منذ عام 79 حين كانت أرضا زراعية على الرشاح الذى تخبئه جبال القمامة وأخذوا المساحة الموازية لشريط السكة الحديد واستقروا عليها، ومع مرور الوقت تحولت المساحة الخلاء إلى "خرابة" كل الأهالى يلقون فيها مخلفاتهم التى أخذها سكان العشش بعد ذلك لاستعمالها فى بناء عشش جديدة حتى وصل عددها إلى أكثر من 300 عشة يشكنها أكثر من 1700 شخص.

وقف الوزير بين أهالى العشش وسكان العمارات، واستعرض الأهالى مخاوفهم وطالباتهم، حيث طالب سكان العش برفع المخلفات كاملة وتسليم الأرض لهم عن طريق بيعها لهم حتى يستطيعوا بناء عمارات مثل المقابلة لهم أو عمل جراج للسيارات، مؤكدين أنهم يخافون من رفع القمامة حتى لا تأتى أجهزة الدولة وتطردهم من العشش وتلقى بهم فى الشارع.

بينما أكد سكان العمارات أن أغلب المبانى السكنية الموجودة فى المنطقة بلا ترخيص، وأنهم طالبوا الحى أكثر من مرة والمحافظة بإصدار تراخيص بناء لهم وكانوا يرفضون بحجة أنها منطقة غير مدرجة فى خريطة المساحة لحى السلام وأن أغلب المرافق من كهرباء ومياه بالجهود الذاتية، وطالبوا هم الآخرين بتقنين أوضاعهم، والغريب أن الأهالى بالمنطقة حاولوا أن يسدوا الطريق فى وجه وزير البيئة الدكتور مصطفى حسين لكنه سألهم "يعنى أيه أمشى؟" وكانت الإجابة فى سياق الخجل أصله مفيش فايدة ياسيادة الوزير".

لم يكن أسهل من أن يصطحب الوزير الوفد المرافق معه ويرحل، لكنه وقف وطالب سائقى البلدوزر واللوادر ببدء رفع المخلفات، وبدأ الاتصال تليفونيا من موقع القمامة بوزير المرافق الدكتور عبد القوى خليفة، والمهندس حافظ السعيد رئيس الهيئة العامة للنظافة، ليعرف هذه الأرض ملك أى جهة، ليعرف وضعها ومدى إمكانية تخصيصها للبيئة لاستكمال أعمال الرفع للتراكمات بها وتحويلها لمكان يستفيد منه الأهالى.

وقف الوزير أكثر من ثلاث ساعات فى المنطقة يتناوب عليه الأهالى وأطفال المنطقة وشباب الجمعيات الأهلية الذين جاءوا ليشاركوا فى حملة وطن نظيف وكل منهم يطالبه بالحل أو الرحيل، البعض قال إنها ملك للقوات المسلحة، لأن حديقة بدر خلفهم، والبعض قال إنها ملك هيئة الصرف الصحى لأنها فوق الرشاح، والبعض الآخر، قال إنها ملك المحافظة، لكن فى النهاية هى ملك الدولة.































تعليقات (19)

1

اازاى الصدفه واحنا اصلا بلغنا

بواسطة: هادى

بتاريخ: الأربعاء، 03 أكتوبر 2012 01:35 م

انا عايزكم تنشروا اننا بلغنا عن وجود القمامة والزباله ومكنتش صدفه وبعيدين شوفوا الصور حتعرفوا ان فى شباب جاهز ولابس تشيرتات علشان استقبال الوزير
ولو بجد بقى طلع الموضوع صدفه يبقى عليه العوض ومنه العوض فى المحافظة والوزارة والحى

2

ماذا عن الزبالة بجانب سور مركز التدريب المواجه لصور حديقة بدر

بواسطة: محمد السماك

بتاريخ: الأربعاء، 03 أكتوبر 2012 01:39 م

سيادة الوزير
ان ردود العاملين بالوزارة على شكوى المواطنين اقل ما يقال عنها انه سلبية واخره امس الساعة الثالثة و56 دقيقة عصرا بدءا من رد السلا م الى عدم الاهتمام لبحث مصير الشكوي والتى هى بتاريخ 29 08 2012 بشان الاضرار الصحية للزبالة الملقاة بجانب سور مركز التدريب الموجه لسور حديقة بدر وما ينتج عن حرقها فضلا عن التاثير على حركة المرور
الى متى ستلقى الزبالة فى الشارع واين الحلول برفعها من المنازل مباشرة
رقم الموبايل 01001656770

3

ربنا يوفقكم

بواسطة: محمد حكيم

بتاريخ: الأربعاء، 03 أكتوبر 2012 01:46 م

بالتوفيق للحكومه

4

مصر = علم المستخوبوس

بواسطة: مليش شبر فى اساسها

بتاريخ: الأربعاء، 03 أكتوبر 2012 02:03 م

الصورة الأولى لوحدها فيها 14 كلب و طفلين . تخيل انت فى كام كلب ضال فى المنطقة كلها ؟
و كام اسرة عايشة و بتعانى فى المنطقة ؟
مازالت مصر هى الدولة الوحيدة التى لا تقدر على تعريفها ( لازم تكون عايش فيها او عيشت ) عشان تقدر تفهم الخبر ده و الدليل >>
محدش عارف الارض بتاعت ميين ؟ و مع ذلك برده عايشين فيها
ان الصدفة فقط هى من قادت الوزير
دلوقتى وزير البيئة شافها و كلم وزير المرافق ! ياريت يكون فى متابعة للخبر و خلينا نشوفها بعد فترة شهر مثلا . مع العلم ان ميدان التحرير احتاج فقط لبضعة ايام لازالة جميع الاشغالات و لاعادة ترميمه

5

عنوان الخبر ظالم ومجحف لحكومة تعيش بين المواطنين على أرض الواقع

بواسطة: محمود عبداللاه

بتاريخ: الأربعاء، 03 أكتوبر 2012 02:08 م

عنوان الخبر ظالم ومجحف لحكومة تعيش بين المواطنين على أرض الواقع
حكومة رئيسها يتفقد أحوال المرضى فى المستشفيات ويفتش على الأقسام ويركب قطار تكييفه معطل ويزور مخابز العيش بإحدى المناطق الشعبيه
ووزير للبيئة يتابع رفع المخلفات على أرض الواقع
ووزير داخلية نشيط ويعمل بمنتهى الجد يفتش على الحملات الأمنية ويقودها بنفسه أحياناً

6

جبل قمامه بارتفاع 50 متر !!

بواسطة: مهندس . شريف ابراهيم

بتاريخ: الأربعاء، 03 أكتوبر 2012 02:11 م

شكرا لكل من يعمل لخدمه مصر. و شكرا لمن يكشف عن اوجه الاهمال او الفساد. و لكن ايه لازمه المبالغه !! "جبل قمامه بارتفاع 50 متر !!" !! ازاى ؟ يعنى جبل القمامه بارتفاع 15 دور ؟ و الصور توضح انه بارتفاع من 3 الى 5 متر بالكتير !

7

أرحمونا و كفايه يا أما تشتغلوا يا أما ترحلوا

بواسطة: أحمد حسن

بتاريخ: الأربعاء، 03 أكتوبر 2012 02:13 م

صدفه أزاى يعنى , يا ساده أرحمونا لقد سبق لنا مراراً و تكراراً أرسال شكاوى عديده الى وزارة البيئه و الى محافظة القاهره بخصوص هذه الأكوام من الزباله و الزباله المجاوره لحديقة بدر و شكوانا كانت مدعمه بالصور و لكن لم يتحرك أحد .

أرحمونا و كفايه يا أما تشتغلوا يا أما ترحلوا

8

اين انتم

بواسطة: نصرة حسين سالم

بتاريخ: الأربعاء، 03 أكتوبر 2012 02:18 م

اين انتم هو كلام وبس الزياله زى ماهى وفى الزيادةفينياجماعه النظافه بس جاهزين لخصم الرسوم من الكهربا ياظلمه ياكدبين حلميه الزيتون ميادينا وشوارارعها زى ماهى كل شىء له اخر

9

على فكرة المشكلة مش فى الزبالة بس

بواسطة: كريم

بتاريخ: الأربعاء، 03 أكتوبر 2012 02:26 م

الزبالة دى جزء من المشاكل الى فى المنطقة
اساسا معظم الى ساكنين فى العشش دول معاهم اسلحة وبلطجية وماحدش بيعرف يعملهم حاجة والمواسير كل يومين تنكسر وتغرق الشوارع مياه حلوة غير المجارى والشوارع كلها مكسرة ده كمان غير بلطجة التكاتك والميكروباصات على الناس واكبر مشكلة فى المنطقة هى قطر السويس الى رايح جاى فاضى ومعطل الطريق عند مزلقان الاربعين والعشرين وعين شمس وقباء والله القطر ده لو اتشال هيخلى المناطق دى حاجة تانية بس ياريت حد يفكر بجد

10

أرحمونا و كفايه يا أما تشتغلوا يا أما ترحلوا

بواسطة: أحمد حسن

بتاريخ: الأربعاء، 03 أكتوبر 2012 02:37 م

صدفه أزاى يعنى , يا ساده أرحمونا لقد سبق لنا مراراً و تكراراً أرسال شكاوى عديده الى وزارة البيئه و الى محافظة القاهره بخصوص هذه الأكوام من الزباله و الزباله المجاوره لحديقة بدر و شكوانا كانت مدعمه بالصور و لكن لم يتحرك أحد .

أرحمونا و كفايه يا أما تشتغلوا يا أما ترحلوا

11

ردم الرشاح اولوية قصوي

بواسطة: د/عبدالخالق ريحان

بتاريخ: الأربعاء، 03 أكتوبر 2012 02:39 م

الي السيد وزير البيئة هل يعقل في هذا الزمان وجود مثل هذا الرشاح المكشوف الملئ بالامراض والاوبئة في منطقة تبعد عن النزهة 250متر ان ردم الرشاح سوف يتيح توسعة الشارع وبناء مدارس وحدائق ومستشفيات علي مساحة الارض التي يشغلها ويرتقي بالمنطقة ويجب ان يتعاون الحي الذي لا نعرف لة ممثل ونحن سكان المنطقة نطالب بانتكون تبعية منطقة النزهة 2 الي حي النزهة

12

مع رقم ( 1 ) ورقم ( 7 )

بواسطة: ايمان ابو الحمد

بتاريخ: الأربعاء، 03 أكتوبر 2012 03:08 م

لاء طبعا مش صدفه علشان احنا بعتنا شكاوى كتير اوى وكده احنا عرفه الشكاوى بتروح فين

13

الاكشاك متى ستنتهى بمساكن

بواسطة: هدى عبد الفتاح اسكندرية غرب شاعرة

بتاريخ: الأربعاء، 03 أكتوبر 2012 03:33 م

ستاذ عبد الغفار عندى مافيش صوت للفيديو اكتب مافى الصورة ارى مساكن لمن وبكام اقرا الابيات التى نظمتها لقرائتى للخبر يارب تصل للريس ويفتح بلوك لساكنى صخور الموت وهل البناء المساكن دى يفرق عن تحت الصخور هات متخصص جيولوجى استاد فهيم
اسكن فوق جبل او صحراء
عيب يامصرى انا اخوك وانتخبت رئيسى مرسى
اسكن فوق جبل الموت او صحراء من غير غيط
وماعنديش فرشةوغطاء وافترش الارض مافيش كرسى
ساكن
فوقى صخرة تحمينى سنين فاكرها تغطينى
ماحسبتش يوم تغضب وتضيق بوجودى فتكون قبرى وترمينى
احتمى تحت طرابيزة و يقولوا خبرى فى تلفزيون حصرى
لما اموت حيكون لى سعر ولا الصخور حتكون لى قبر
ولما اعيش يصفونى بالعهر ولما اموت للشهادة يدونى مهر
اصعد فوق فى السما السابعة ااخد لقب شهيد الفقر الشاعرة السكندرية التى لم يعرفها احد الا اليوم السابع من واقع قراءتى للموضوع اتانى الالهام لاعبر عن الطوفان بداخلى والغضب
عيب يامصرىانا اخوك ايضا مصرى
انتخبت ريسى اخوانجى ومن ح حزب العدالة واسمة مرسى

14

عارفها

بواسطة: وليد

بتاريخ: الأربعاء، 03 أكتوبر 2012 06:45 م

أنا عارف المكان دة أخويا ساكن هناك وفعلا أكثر من مرة حاول الحي يشيل الزبالة منعهم الأهالي عشان خايفين يزيلوا العشش والورش العشوائية وحدث ولا حرج عن حرايق الزبالة والتلوث والرائحة ........ هقول شكرا للوزير لو عملها بجد ملاعب ولا حدائق عموما ربنا يوفقه لنه نفذ الفرار بنفسه مش توصيات ولجان خافه,,,,,,,,,,,,,,,,,,,,,,,,,,,,,,

15

يارب يأذن بتنظيف المنطقة

بواسطة: قاطن المنطقة

بتاريخ: الأربعاء، 03 أكتوبر 2012 07:16 م

ارجوا ان تتعاون كل الجهات المعنية واهالى المنطقة لتغيير واقع هذه المنطقة القريبة جدا من جسر السويس ومطار القاهرة الدولى ومصر الجديدة والنزهة ، لرفع مستوى المكان لتصبح منطقة نموذجية ..في مصلحة المكان وتقننين أوضاع السكان و توفير المرافق


كل الشكر والتقدير لسيادة الوزير والقائمين على الحى

وجزا الله خير محرر هذا التقرير على المجهود الرائع والنقل الحي للواقع القابل للتغيير للافضل

16

الرحمه بشبابك يامصـــــــــــــر

بواسطة: امثال محمد امام صــــــــــــــــــــــــــــــوان

بتاريخ: الأربعاء، 03 أكتوبر 2012 09:43 م

احنا شباب وقعنا حظنا العسر الى السكن فى شارع الخمسين حيث اصحاب العمارات اوهمونا ان الدنيا حتبقى زى الفل سوف يردم الرشاح وحيبقى طريق بديل لطريق جسر السويس وبالطبع العشش والزباله حتشال وللاسف لم يتغير اى شئ ارسلنا شكواى بكل الطرق ولا مستجيب ياريت تكون هذه الزياره فتحت خير على المنطقه ونتعامل زى الادميين ومافيا والحيتان اللى عيشين فى الزباله دول على قلبهم فلوس يبنوا بيها عمارات ولكنهم هنا فى المخبئ وضمنين لا بوليس ولا مسئول يوصل لهم ارجوكم عايزين نعيش فى القرن 21

17

الامل فى ربنا كبير

بواسطة: احمد

بتاريخ: الأربعاء، 03 أكتوبر 2012 11:19 م

ياريت البحث عن صاحب الارض المزروعه زيتون لان هده المساحه الشاسعه تصلح مجمعات للمدارس او مستشفى وياريت نطور المنطقه

18

سكان منشية السد العالى

بواسطة: ايمن امام

بتاريخ: الخميس، 04 أكتوبر 2012 12:53 ص

نرجوا من الوزير
النظرة الى هذة المنطقة لان بها كثيرا من الاهمال او بمعنى اكثر ممكن ان حى السلام ميعرفش ان فى منطقة اسمها منشية السد العالى
اهم مشاكلها
كثرة القمامة فى الشوارع
كثرة الورش من موبيليا و رش الموبيليا
الطرق مكسرة مدغدغة
مشروع التوكتوك
وفى حاجات كتير
اللة المستعان

19

يوم كامل من العمل و المال راح وراء القمامة

بواسطة: محمد

بتاريخ: الخميس، 11 أكتوبر 2012 03:51 م

كل ما ذكر جميل و فعال وفعلا الوزير مشكور امر برفع المخلفات . ولكن ما حدث ان اللوادر و السيارات اشتغلت يوم كامل لرفع المخلفات حوالى 13 ساعة و لما غادر الوزير وعدوا بانهم سيكملوا العمل صباح اليوم التالى . و لا حياة لمن تنادي لم ياتى احد ولو ذهب احد الان لزيارة موقع رفع المخلفات سيجد ان الاطنان التى رفعت رجعت تانى بل و اكثررررررررر.
قطعه الارض هذه يمكن تجهيزها و عمل مشروع ممكن يشغل اكتر من 100 شاب . ياريت يبقى فى ضمير فى العمل .

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة