أكد مؤمن سليمان، المدير الفنى لفريق الزمالك، أنه تقبل اعتذار باسم مرسى مهاجم الفريق، عن واقعة اعتراضه على استبداله فى مباراة الوداد المغربى، التى جمعتهما السبت الماضى، على استاد "مولاى عبد الله" فى إياب قبل نهائى دورى أبطال أفريقيا، وانتهت بفوز الفريق المغربى بنتيجة 5/2.
أوضح مؤمن سليمان، أنه غفر لباسم مرسى ما فعله، لأنه لاعب مقاتل وكان اعتراضه لمصلحة الفريق، قائلاً: "تعمدت استغلال سرعات ستانلى فى الهجوم، وباسم زعل من استبداله، وماعنديش مانع إنه يزعل، لكن ما أثر فيا اعتراضه بطريقة غير لائقة، لكن إلى حد ما غفرت له بعد اعتذاره أمام اللاعبين".
أستطرد المدير الفنى للزمالك حديثه: "لابد أن يكن المدير الفنى مقتنع بما يفعله، وإذا وضعت نفسى تحت ضغط اللاعبين والإعلام لن أفعل شيء.. وأى بنى أدم طبيعى لو مكانى وفكر ما سيحدث فيه من الإعلام والجمهور إذا خسر اللقاء، لكان امتنع عن استبدال باسم مرسى، لكن أنا مهمتى إنى أشوف اللى غيرى مش شايفه، ولازم يكون عندى جديد فى الفكر وإلا أى شخص كان تولى قيادة الزمالك".
وأعرب مؤمن سليمان، عن دهشته من عدم انضمام شيكابالا وأيمن حفنى وأحمد توفيق لصفوف المنتخب الوطنى، مؤكداً أنهم من أبرز عناصر الزمالك وأفضل لاعبى الدورى بشكل عام.
عدد الردود 0
بواسطة:
Ashraf Zain
وجهة نظر - مين بيضحك على مين
مجرد وجهة نظر ومافيش داعى حد يزعل .. برضه أنا على رأيى إن باسم مرسى مش لعيب .. يعنى ممكن نقول حظه حلو .. بيلاقى الكوره قدامه يخبطها وزى ماتيجى .. ولايمكن القول أن باسم مرسى لعيب ذو مهارات .. وده طبعا بالإضافة إلى إنه كذاب وبيلوع الكلام وماعنوش ضمير .. ده غير إنه أساسا ماعندوش كرامه .. يعنى بيتهزق ويتشتم بأمه ويتهدد برجوعه للشارع اللى جه منه والشبشب الى جه بيه .. كل ده ولا كأن فيه حاجه حصلت ويستمر فى النادى .. وإعتراضه على مدربه أكبر دليل على كلامى .. ماعندوش أخلاق الرياضى المحترم .. وكفايه قوى لحد كده .. أظن .. وصلت المعلومه ياباسم أفندى.
عدد الردود 0
بواسطة:
غيور علي الكرة
لازم التخصص
لازم الكل يعرف حدوده بمعني اللاعب لاعب والمدير الفني مدير فني
عدد الردود 0
بواسطة:
عادل السمره
صفه مشتركة بين كل العاملين فى الزمالك
يتميز كل العاملين بالزمالك سواء اداريين او فنيين او لاعبين بانعدام الشجاعة الادبية وفقدان احترام الذات. فموقف باسم مرسي تكرر عدة مراة على مستوايات مختلفة وتكون النتيجة واحده "حنفى" . من هنا تعرف قيمة وحجم النادى الاهلى وهذا مايسبب للزمالكاوية مشكلة دفينة لديهم"