كشفت الدكتورة ياسميف فؤاد وزيرة البيئة، عن حبها لمجال البيئة: "تعلمت من والدتى أن اللى عنده حلم لازم يتمسك به، لازم تتمسكى بالحلم، ودخلت الجامعة وحبيت مجال البيئة، ووالدتى طوال الوقت كانت بتدعمنى، وأخدت الدكتوراه بإصرار من والدتى، وسافرت أمريكا عشان الدكتوراه، وحصلت عليها، وترقيت فى وزارة البيئة، وبعدها تعينت وزيرة للبيئة".
وأضافت خلال حوارها مع الإعلامية إسعاد يونس، ببرنامجها صاحبة السعادة المذاع عبر قناة دى إم سى، :"لازم أكون صادقة مع نفسى فى تربية الأولاد، ولازم يكون هناك تحسن من أنفسنا طوال الوقت فى تربية الأطفال، وماما كانت بتساعدنى فى تربية ابنى أدهم، عشان كان عندى شغل كتير، وأولادى فخورين بي".
من ناحية أخرى تابعت :"هناك دول تستخدم المحميات للسياحة البيئية، وكنا زمان نأخذ مصطلح المحمية الطبيعية يعنى مش نقربلها، وهذا مصطلح خطأ، وحاليا طورنا فى العديد من المحميات، ومنها رأس محمد، وهناك محميات تم تطويرها، وعيش مواطنين بها، وأصحبت محمية بناسها، وهناك العديد من الكتيبات للعديد من المحميات الطبيعية على مستوى الجمهورية للترويج لها".
