تحدث الرئيس عبد الفتاح السيسي عن جهود الدولة في القطاع الصحي، قائلا: "عملنا فقط 50 % من البنية الطبية اللازمة.. لما بنتكلم في 1400 مستشفي للدولة المصرية.. احنا عندنا 700 مستشفى".
أضاف الرئيس السيسي، خلال اجتماع المجلس الأعلى للجامعات: "مع الوضع في الاعتبار.. يا تري الجهد اللى بيتم فيهم يساوي حجم العمل إللى ممكن 700 مستشفي يقدموه.. أشك".
وقال الرئيس عبد الفتاح السيسي، إن الدولة تحتاج إلى توصيف حقيقى للواقع من أجل التوصل إلى حلول، متابعا: "أنا مش جاى اسمع كلام جميل.. وعمر الكلام الجميل ما هو الهدف بتاعى أو الهدف بتاعنا.. هدفنا توصيف حقيقى للواقع للخروج بحلول ممكن تساهم في تقدم الدولة دى.. إصلاح وبناء وأمل واستعادة ثقة".
وأكد الرئيس عبدالفتاح السيسى، على أهمية الرقمنة ودورها فى سوق العمل فى الداخل والخارج، مشيرا إلى نوعية مسار التعليم.
وقال الرئيس السيسى:" فى مصر وبره مصر مستنى إنسان متعلم الرقمنة.. طيب احنا بنخرج سوق العمل قد إيه لفرص عمل حقيقة لسوق العمل سواء مصرى أو غير مصري؟.
وأضاف الرئيس السيسي: "هل النهارده ولادنا الموجودين فى الآداب.. مش معناه تقليل من الآداب.. ممكن نكون محتاجين منهم نسبة لكن مش الكتلة دى كلها.. الكلام ده فى كتير من التخصصات اللى بيتم خروجها".
تابع الرئيس: "اللى عملناه محاولة من أفكار مثل الجامعات الأهلية والتوأمة لتعويض الفجوة فى القطاع اللى محتاجين كلنا نبقا فاهمينها.. اللى أنا كإنسان عندى موضوع الفلوس والتكلفة "هاجس".
