- الرئيس السيسي: تطوير مشروعات النقل بأموال ضخمة لتجهيز الدولة وخدمة المواطنين
- الرئيس السيسي: السادات هزم خصومه وغلبهم وهو مش موجود
- الرئيس السيسي: "إحنا نتعب لأجل بكرة ودى أساسيات لتطوير وبناء الدولة"
- الرئيس السيسي: نستطيع صناعة وإنتاج العديد من المنتجات التي يتم استيرادها بملايين الدولارات
حرص الرئيس عبد الفتاح السيسي على الترحيب بوفد أهالي سيناء المشارك في افتتاح خط سكك حديد الفردان – بئر العبد، قائلا: "ارحب بأهالي سيناء.. واتمني أنهم موجودين خلال الافتتاح اللى بنعمله علشانكم انتوا.. علشان بلدكم علشان تخلي بالكم منها وتحافظوا عليها.. مش الخط بس.. كل ذرة رمل من سيناء أمانة في رقبتنا ورقبتكم".
هنأ الرئيس عبدالفتاح السيسي، الدولة والشعب المصري بالافتتاحات الجديدة في النقل والطرق، قائلا: "بشكرك يا كامل وكل الناس اللى اشتغلت معاك سواء داخل الوزارة أو الشركات اللى قامت بالجهد الكبير ده".
أضاف الرئيس السيسي خلال افتتاح محطة قطارات صعيد مصر في بشتيل، "لم نتوقف أبدا عن العمل.. 41 ألف كم طرق داخلية كنت أتمني نتحدث عنها، نشاور عليها يا كامل بنتكلم عن 1500 قرية.. الـ 41 ألف كم طرق داخلية كانت حالتها صعبة والحركة صعبة ولكن دي من ضمن الحاجات اللى تم تنفيذها.
شدد الرئيس السيسي على الإصرار على تنفيذ مراحل حياة كريمة، قائلا: "مصرين رغم الظروف الصعبة نكمل البرنامج ودي كلمتنا كدولة للريف المصري، مستمرين في هذا العمل لكن ليس بنفس المعدلات ولكن مستمرين".
قال الرئيس عبد الفتاح السيسي، إن مشروعات الدولة في قطاع النقل كانت مهمة جدا، متابعا: "اللي شوفناه النهارده في محطة قطارات بشتيل وغيرها من مشروعات النقل ده جهد الدولة المصرية ووزارة النقل.. مش إنها تحسن مستوي الخدمة بس".
وأضاف الرئيس السيسي: "قطاع مثل قطاع السكة الجديد كان مهملا على مدي عشرات السنين، وماكنشي ترف مننا أن ده يتعمل.. إحنا بنتكلم عن تكلفة مالية تقدر بـ 2 تريليون لقطاع مشروعات النقل المختلفة".
تحدث الرئيس عبد الفتاح السيسي عن حجم الأموال الضخمة التي تم إنفاقها لتطوير قطاع النقل داخل الدولة المصرية، قائلا: "الكلام عن 2 تريليون جنيه كانوا ممكن يتحطوا في حاجة تانية.. ده كلام مهم بنسمعه.. لا ماكنتش اقدر لو كنا بنتكلم عن تجهيز البلد.. لخدمة المواطنين وخدمة حركة دولة عاوزه تنمو، عددها 106 ملايين ويمكن أكثر.. إزاي هنقدر نعمل ده للدولة بدون إنفاق هذه الأموال".
وأضاف الرئيس السيسي: "بنتكلم عن الضروريات والأساسيات.. القديم خرج من الخدمة والجديد مش موجود ده خالص.. الانفاق ده كان مهم جدا.. هل الوقت ممكن يبقي أطول من كده للتنفيذ والإنفاق.. التكلفة المالية لتطوير المشروعات المختلفة ممكن تزيد.. مش علشان سعر الدولار في مصر اتغير بس.. الأسعار العالمية تضاعفت.. 2 مليون دولار بقت أكثر من 4 مليون دولار لشراء الجراجات مثل السكة الحديد.. وهكذا في كل القطاعات".
تحدث الرئيس عبدالفتاح السيسي، عن قرارات الرئيس الراحل أنور السادات، قائلا: "لما اتكلمنا الرئيس السادات وقلنا اللى عمله ساعتها كله خصومه كانوا كسبانين.. كل الدنيا قاطعت مصر.. متهيألي إن كل 10 سنين بيتكتبله صفحة جديدة علشان إنت هزمت خصومك وإنت مش موجود.. الله يرحمك.. وأنت مش موجود كل خصومك هزمتهم وغلبتهم.
أكد الرئيس عبد الفتاح السيسي أن الدولة حرصت بشكل كبير على تطوير قطاع السكة الحديد بشكل كامل، متابعا: "نجيب حال السكة الحديد في مصر.. سواء محطات أو خطوط أو وحدات.. بنتكلم عن القطاع كله أهمل وأهمل ده مش عيب.. دي كانت ظروف بتمر بها البلد.. نعملها وتبقي الظروف الاقتصادية صعبة ولا مش بعملها.. دي تالت مرة اقولها".
أضاف الرئيس السيسي: "كنا عارفين أن فيه معاناة بسبب اللى بنعمله.. نفضل زي ما إحنا والبلد تكون بلا مستقبل.. لا لينا ولا أبنائها والاحفاد مش يلاقوا حاجة.. دي أساسيات لا يمكن إغفالها أو تأجليها ابدا.. يادوب بنحط الدولة علي الخط.. الدكتور مصطفي مدبولي بيقولي "أول الطريق".. أمال إحنا كنا فين".
قال الرئيس عبدالفتاح السيسي، إن الله تعالي هو الذى سيفصل بين الناس يوم القيامة، مضيفا: "مش شرط كل حاجة الناس تبقا فاهماها وقتها .. والقرار بيتاخد ليه؟.. لكن ساعات الزمن بيرد.. وقبل ده فيه رب عظيم علام حكيم هو اللي هيفصل بين الناس".
أضاف الرئيس السيسي:"المسؤولية بتاع 106 ملايين والضيوف مسؤولية كبيرة قوي ويا رب نقدر نعدي في اليوم ده".
تطرق الرئيس السيسي إلى لوحة 99 / 127 التي تضم جداول التكلفة المالية لبعض المنتجات المستوردة: الأدوية 23 مليار دولار - لوحات التوزيع 2 مليار دولار .
دعا الرئيس السيسي المستثمرين ورجال الصناعة، إلى البدء في إنتاج المنتجات التي يتم استيرادها من الخارج، معلقا: "يا أهل الصناعة يا مستثمرين يا رجال الأعمال يا اللي شغالين في البنوك والاستثمار اللى قدام منكم عبارة عن فرص عمل ليكم لأن كل منتج من ده دفعناه بالدولار علشان نجيبه لمصر.
وتساءل الرئيس: 9 مليارات دولار تليفون محمول ومنتجات أدوية بعضها يمكن ماتقدرش تعمله لكن يا ترى كل الأدوية ماتقدرش تعملها؟..عندنا أهم حاجة الناس بتستسهل بدل ما يجيب الكلام ده ويعمله في مصر ويخش في متاهات مع أرض وتمويل ونقل تكنولوجيا من بره علشان ينتج اللى بنقول عليه ده، يقول اشتريه أسهل والدولة محاولتش تشتغل بجدية وصلابة وصرامة لما تيجي على بند 16 في الجدول عطور ومزيلات عرق وورق توالي 440 مليون دولار.. شيكولاته 400 مليون دولار..235 مليون سيراميك وبتلومني وتقولوا الدولار غلي ليه؟.
تابع الرئيس: منقولش نقفل البلد يعني.. ورق الفويل 500 مليون دولار مابنعملوش؟ ..الجبنة 1.2 مليار دولار.. نقول للناس مش عارفين نعمل مصانع ننتج الحاجات اللى الناس عاوزاها.. الحلول معانا إحنا كمصريين كرجال أعمال.. اللى مكتوب عبارة عن فرص عمل لإنتاج المنتجات دي لمصر وتبيعه وناس بتشتغل وناتج محلي وشوية ضرايب للدولة.. السيارات 25 مليار دولار معقول مش قادرين نخلي شركات السيارات تنتج سيارات في مصر نستور بس نسبة.. إذا كنتم عاوزين تتجاوزا تحدي الدولار لازم نسبة كبيرة من هذه المنتجات يتم تصنيعها في مصر وده امر مش سهل ومدعمين الحكومة حتى تخرج هذه المنتجات في اقرب فرصة.. بقا إحنا بنجيب عطور ومش قادرين نعمل في مصر حاجات زي كده؟.
وشهد حفل افتتاح محطة قطارات صعيد مصر "بشتيل الجديدة"، بحضور الرئيس عبد الفتاح السيسي ، عرض فيلم تسجيلي بعنوان "بوابة الحضارة"، ليرصد أبرز مجهودات وزارة النقل وتحديدا محطة قطارات صعيد مصر.
وأكد الفيلم أن منظومة النقل هي الركيزة الأساسية لتحقيق الأهداف التنموية لرؤية مصر الاستراتيجية 2030 والعبور إلى الجمهورية الجديدة بتنفيذ مئات المشروعات في مجالات الطرق والنقل والمواصلات، لإيجاد منظومة متكاملة رصدت لها الدولة المصرية 2 تريليون جنيه.
وأوضح الفيلم التسجيلي أن البداية كانت بمشروع مصر القومي لإنشاء 7 آلاف كيلومتر من الطرق بالإضافة إلى الكباري والمحاور النيلية، والارتقاء بمعدلات آداء المواني البرية والبحرية والجافة والمناطق اللوجيستية، حيث اكتمل الحلم المصري بإطلاق عدد من الإنجازات في مجال مترو الأنفاق والجر الكهربائي وإنشاء شبكة من القطارات الكهربائية السريعة بطول ألفي كيلومتر.
وأشار الفيلم إلى أنه تم إنشاء محطة قطارات صعيد مصر بمنطقة بشتيل بمحافظة الجيزة والتي تم بناؤها على مساحة 239 ألف متر مربع بما يعادل 57 فدانا أي أربعة أضعاف مساحة محطة مصر الحالية، حيث تقع في منطقة وسطية بين محطتي سكك حديد رمسيس والجيزة وتشكل منطقة التقاء خطوط السكك الحديدية الرئيسية (أسوان، الإسكندرية، إمبابة، المناشي، القباري).
وتقع محطة قطارات مصر في موقع فريد يتميز بقربه الشديد من أربعة شرايين رئيسية (محور الفريق كمال عامر، شارع السودان، محور 26 يوليو شارع المطار، محور أحمد عرابي الجديد)، حيث تمثل المحطة نطاقا هائلا يضم عشرات المنشآت أولها مبنى المحطة الرئيسي الممتد على مساحة 31 ألف متر مربع ويتميز بالبهو الرئيسي الموجود في منطقة الهرم الزجاجي للمحطة والذي يبلغ ارتفاعه 40 مترا ومستوحاه من الحضارة الفرعونية.
