تسمحيلى أخدك بعيد؟
مانتى خايفة من العيون
لجل خوفك...
سبت روحى رايحة ليكى
سبت يومى يسيب همومه فى قلب عودى
وقلمى راسم ع المدار طير يطير
كأن حبك جوه حلقة عمال يدور
عايز مفر للخروج
وخايف من اللى برّاها
ويهرب جوه صورة
رافضة يبان وشها فى عتمة كبيرة
اخترنا ضلمة نعيش فيها انا وانتى
ونور يبان فيه وحدتك ..تدارى ع اللى جوّاكى
وبرّاكى ماتعرفنيش.........
حبستينا فى اه وليل وقولتى نعيش
ويجى الصبح نتوانس انا وقلبى مابنلقكيش
رضيت بيكى............
يمكن فى يوم تطمنى فى حضنى
وتبوحى للدنيا ومين فيها
وأحبال الحلقة تنطيها
وماتخاااااافيش.......
عذابى فى حبك
خلانى ارتبط بيكى
نزعت الخوف من جذورك بشريانى
تبان شواشيكى فرحانة
ليكى الأمان.......
وتيجى الرهبة تسقينى
ومن خوفك بتروينى.....
واخاف من بكرة والمكتوب
واخاف ارسم حكايتنا
تبان فى الصورة بالمقلوب
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة