تحت عنوان "كلاسيكى وفريد"، أطلقت "مسامر" تشكيلتها الجديدة من الإكسسوارات وتقول: "الإكسسوارات فى عالم الموضة هى ما يتعلق بكل كماليات الملابس، وفى تشكيلة كلاسيكى وفريد، بنعتمد على الدمج بين الكلاسيكية مع الألوان العصرية والتصميمات المبتكرة عشان تكون تصميمات مختلفة".
وتتابع مصممة الأزياء: "فكرة الخواتم الشقية والسلسلة السحرية بتعتمد أكثر على الابتكار، فى الأولى صممنا مجموعة خواتم ممكن تتناسب مع أى أيد وأى حجم، وبألوان فسفورية عشان كده كانت الخواتم الشقية، والسلسلة السحرية هى سلسلة واحدة لكن ممكن تتلبس بثلاث طرق مختلفة تغير شكلها بالكامل".
"Stylish&gorgeous" هى صفحة الفيس بوك التى تقوم عليها مصممة الموضة بعرض تصميماتها، وتقول: "الفكرة الرئيسية للصفحة قائمة على تغيير فكرة أن الملابس والإكسسوارات الفاخرة يجب أن يكون سعرها مرتفعا، أنا فكرتى أنى أنهى ده، وبحول التصميمات الفاخرة إلى أسعار بسيطة جدا".
وتشير إلى أن "شعار الصفحة هو تألقى بسرعة وبساطة.. يعنى أن أى حد يقدر يكون متألق وبأفضل شكل من غير الكلام اللى محفور فى عقلنا عن الأسعار المرتفعة جدا، والوقت الكبير اللى بنحتاجه عشان نظهر فى أفضل شكل".
