بعد تدشين خدمة "الأتوبيس أبوWi Fi " نشطاء تويتر "ساخرين محدش هينزل من الأتوبيس".. وآخرون نصف الناس إللى بتركب شايله موبايلات صينى مطالبين الحكومة بتوفير احتياجات المعيشة الأساسية أولا

تسبب إطلاق مشروع "المينى باص" المزود بخدمة الإنترنت اللاسلكى "Wi Fi" بمحافظة القاهرة، والذى افتتح أمس الأحد، فى موجة من التعليقات و"الكوميكات" الساخرة التى تداولها الشباب عبر مواقع التواصل الاجتماعى "فيسبوك وتويتر" ومن أشهر تلك التعليقات: "جايبين أتوبيسات فيها واى فاى.. هى الناس لاقية تاكل أو تتعالج".. "إحنا مش عايزين منظرة والنبى ناقصين أتوبيسات بواى فاى. خليهم بس يعملولنا مترو آدمى".

وتداول النشطاء على الفيس بوك، رسوم كوميكس على هذا المشروع وكيفية استغلال الإنترنت داخل المواصلات العامة فى التحميل وخلافه، وأن الإقبال على "الأتوبيسات" من المتوقع زيادته الفترة القادمة بشكل كبير.



كما علق أحد النشطاء قائلا: الثورة نجحت يا شعب مصر وبقى عندنا واى فاى، الأتوبيس، وأصلا شعار الثورة كان عيش حرية واى فاى فى العربية، واى فاى فى الأتوبيسات، الحمد لله مكتسبات (ثورة)30 يونيو ابتدت تتحقق.

وانتقد أحد النشطاء هذا القرار قائلا: "مش لما الغلبان يلاقى حق التذكرة، ويعرف يعنى إيه واى فاى ومعاه موبايل يشغله أصلا"، مطالبين الحكومة بتوفير احتياجات المعيشة الأساسية للمواطنين وتحسين خدمات النقل، بدلًا من خدمات اعتبروها لا تشغل بال الركاب.



وقال أحدهم أنا مش عاوز أتوبيس فيه واى فاى، أنا عاوز أتوبيس آدمى الناس تقعد فيه على كراس، ويوصل فى مواعيد ويمشى بمواعيد.

بينما سخر آخرون "الأتوبيسات دى مكانها مش فى مصر الناس هتفتكر الشاشات مرايات يا جدعان"، و"الكمسرى": الأخ إللى ورا يبطل يحمل أفلام عشان ساحب النت كله، والناس مش عارفة تشتغل".

وقال ىخر ساخرا بعد الأتوبيسات اللى فيها واى فاى وقنابل " التحرش فى الأتوبيسات ح يبقى أونلاين"، وكل أتوبيس واى فاى له جروب واتس آب خاص به. وعلق آخر ياسطى معلش اعمل ريستارت للراوتر عشان النت قطع.



وأضاف آخر الحكومة عملت أتوبيس نقل عام فيه واى فاى، وجى بى إس، وينفع تدفع التذكرة بالفيزا, طب هو الوحد معاه فيزا هيركبه ليه أصلًا، وكمان نصف الناس إللى بتركب الأتوبيسات أصلًا شايلة موبايلات صينى ولا واى فاى فيها.

وعلق آخر قائلا: فكرة واى فاى لأتوبيس عام فى مصر توازى فكرة إنك تروح الصعيد تفتح مطعم "بان كيكس"، وقال آخر واى فاى إيه، عايزين نركب نلاقى كرسى وبعد ما نلاقى كرسى نلاقى تكييف أو مروحة فى الأتوبيس.



وسخر آخر أتوبيسات إيه دى اللى فيها واى فاى، الناس هتكتب ولا تتشعبط؟، بينما رحب آخرون بهذا القرار، منتقدين من يرفضه قائلين : "هو إيه القلبان على أتوبيسات فيها واى فاى ده؟ إيه التفاهة دى؟ اللى مش عاجبه يشرب من أبعد بحر.

وتساءل آخر الأتوبيسات اللى فيها واى فاى هتكون محصنة ضد التفجيرات، حاجة حلوة يعنى دلوقتى بقى واى فاى، ومتفجرات الاتنين عشان يا نتسلى يا نموت.










اقرأ أيضا
الجيش يدمر مخزن زخيرة بشمال سيناء ويلقى القبض على 10 إرهابيين

عنف «المتوحشات».. والفيديو «ما بيكذبش»

بالفيديو.. سعوديون يوقعون صفقات مع الحكومة بـ500 مليون دولار

"علاج السرطان" و"سلاح يهزم طائرة الشبح الأمريكية"..أهم اختراعات الطلاب فى 2013

الاسبان يحتفلون بالكريسماس بالتراشق بالبيض