لا قواعد تحكم فريق كريزى كرو
مينا كرم، وبولة عادل هما الطفلان اللذان لم يكونا قد تعديا عامهما الثالث عشر حين قررا رسم نقطة البداية لهذا الفن الجديد عام 2009، رحلة بالمصادفة إلى مدينة شرم الشيخ وضعتهما أمام فريق أوروبى يقدم هذا النوع من العروض، التى يتحرك فيها الجميع كوحدة موسيقية واحدة، بينما تتشكل الموسيقى والإيقاعات بالفم عبر فن "البيت بوكس"، ويتناوب باقى الفريق فنون الرقص المختلفة، التى تصنع فى النهاية حالة من الجنون يمكنها إبهار الجميع، تتشابه مع فن الهيب هوب.
الوقوف على الرأس واحده من مهارات الفريق
مينا عمره الآن 18 عاما، وعمره مع "كرازى كرو" أو "جماعة المجانين" هو 5 سنوات تتراص على أيامهم آلاف المحاولات ومئات الساعات من التمرينات الشاقة، والإصابات، التى وصلت حد الكسر والجلوس فى المنزل إلى شهور طويلة بدون حركة، يقول: أنا وبولة مع أول مرة مشاهدة للشكل ده من الفن والقريب جدا للهيب هوب قررنا أننا نتعلمه، وكان فى حد من أقاربنا بيسافر شرم الشيخ دائما لإقامة عروض فنية تقليدية فأصبحنا نذهب معه فى كل مرة ونشاهد أعضاء الفريق الأجنبى ونحاول تقليد حركاتهم، ولكن بعد عشرات المحاولات الفاشلة قررنا الجلوس معهم والتعرف على أساسيات الفن، وبعد عدد من الجلسات تعلمنا بالفعل أساس الفن وعدنا إلى القاهرة لنغلق على أنفسنا الأبواب، ونبدأ فى التمرين ونبحث على طرق أحدث من خلال الإنترنت لحد ما قدرنا نبقى مدربين لعدد كبير من الشباب.
لقطة للوقوف على أصابع اليد
يلتقط بولة عادل، رفيق السنوات الخمس أطراف الحديث ويقول: الفكرة فى الفريق أنك تقدر تقدم موسيقى أنت اللى مصممها بدون أى آلات وفى نفس الوقت يكون كل عضو قادر يتحرك ويرقص بأصغر جزء فى جسمه، لأننا مثلا فى وقت بنقف على عقل صوابعنا بس، أو حتى راسنا، وفى أوقات كوعنا.
ويتابع: بنتمرن فى صالة خاصة لرياضات الكراتية ورياضات القتال، وبنلعب فى أى مكان تقريبا، فى أوقات فى حفلات كبيرة، وأوقات بنلعب للناس فى الشارع، وأوقات بندخل فى تحديات كبيرة مقرها الرئيسى غالبا هو موقف سيارات شبرا.
ويعود مينا للحديث: دلوقتى الفريق بيتكون من 7 أشخاص، أنا أكبرهم وعمرى 18 سنة والباقى كله صغيرين لأن النوع ده من الرقص واللى يمكن أصعب من الرياضة محتاج أنك تتعلمه وسنك صغير لأنك تقريبا بتبقى من غير عضم وبيخلى معظم مفاصل جسمك طرية وممكن تتنى بأى شكل، وده ما ينفعش يحصل وأنت كبير، وبدأنا نعلم شباب كتير بين 13 و14 سنة عشان ننشر الشكل ده من الرقص والرياضة فى مصر.
لقطة أخرى للوقوف على الرأس
حركات صعبة يقوم بها الفريق
عروض كرازى كرو فى الشارع
لقطة فى الهواء لأحد أعضاء الفريق الجديد
