نسيم الفجر نادانا
لحمد الله وصحَّانا
وزهر الروضة بيسبح
ويشكر فضل مولانا
أنا أولى بشكرانك
تعالى الله سبحانك
***
ودا كروان على الأغصان
يقول الدنيا دى ملكك
وفى الملكوت بعلو الصوت
يسبح من هنا بحمدك
ويشكر فضل مولانا
أنا أولى بشكرانك
تعالى الله سبحانك
***
بلابل دوح بتزقزق
وبتمجد نهار شقشق
وتصحى الفجر ما تعوَّق
تنضف عشّها تروَق
وتشكر فضل مولانا
أنا أولى بشكرانك
تعالى الله سبحانك
***
وتصحى الزهرة من بدرى
يصحيها الندى الغجرى
وتنشر عطرها يسرى
تلاقى الحب قام يجرى
ويشكر فضل مولانا
أنا أولى بشكرانك
تعالى الله سبحانك
***
نسيم الفجر إيه زيَّكْ
ونور الصبح من ضيَّكْ
وميّه فى جدولك تجرى
تخضَّر أرضنا بفَيَّكْ
وتشكر فضل مولانا
أنا أولى بشكرانك
تعالى الله سبحانك
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة