لساكى فاكرة ترجعى
خديها منى واسمعى
لسانى فاكر قسوتك
لو حتى ليا هتركعى
أنا اللى ليكى انحنيت
ولا يوم عليكى افتريت
لا بعت فيكى واشتريت
رجعالى ليه بتدمعى
لو من حنانى بتهربى
روحى لغيرى وقربى
وحبى تانى وجربى
اخرتها بردوا هتخدعى
هرمى حمولك وانفرد
هروح لغيرك واتولد
وهنسى حبك للأبد
عيشى حياتك ادلعى
لساكى فاكرة ترجعى
خديها منى واسمعى
لسانى فاكر قسوتك
لو حتى ليا هتركعى
محمد عاطف عبد المنعم يكتب: لساكى فاكرة ترجعى
الثلاثاء، 21 أكتوبر 2014 10:08 م
صورة أرشيفية
