جرحونى أغلى الناس
ظلمونى اللى من دمى
ودونى لسكة اليأس العنيد
و سابونى فى وسط الطريق
من غير لا زاد ولا مايه
غرقونى فى بحر الهموم
وسابونى وسط الموج وحديا
كان ذنبى ايه ؟
ما اعرفش !
قاسيت كتير
والآه بتدبحنى
سمعونى ضحكوا من ألمى
واستخسروا الدوا فيا
يادى القلوب القاسية
تقولش حجر صوان
يا اللى بتقولوا الخيانة
طبع اللئام
و العدا
خانوننى اللى من دمى
و باعونى من غير تمن
و آدى الايام بتمر
و الحال هواه الحال
و ما فيش خبر بيسر
ولا جواب لسؤال
و الظلم طعمه مر
مدد يا راحة البال
![محمد فرج على يكتب: مدد يا راحة البال محمد فرج على يكتب: مدد يا راحة البال](https://img.youm7.com/large/s1220112110253.jpg)
مشاركة
اضف تعليقاً واقرأ تعليقات القراء
مشاركة