الفسحة طالت يا أهل مصر كتير
امتى هنرجع لـ الفصول طوابير
وطموحنا يكتب فوق فى وِسط السطر
لازم هتنجح ثورة التحرير
*******
ليه مِن وِلادك زعلّوا رمسيس
والحُزن يبقى قصّة فى الكوابيس
دا اِبنك ضناكى مستحيل يقسى
ولا إيده تِلعب من ورا الكواليس
******
وصّى الدمايطة يحبسوا نيِلِك
يرجع معوِّد يم منديلك
يروى غيطان القمح فى سينا
تِعلى يزهزه فيها قنديلك
******
أحمد وسامى الرمح والمدفع
وشراع سفينة تسير بى للأنفع
بارليف ياشاهد قوم وعلمّهم
إنّ إحنا فينا الحُرّ والأشجع
ثوار في التحرير – أرشيفية
