اشتقت لكٍ يا أمى
اشتقت لك تبقى جنبى
لصوتك وأنتِ بتدعى
لحنانك تمسحى دمعى
تصدقى يا أمى
فات على فراقك سنين
ولسة جوايا الحنين
لنظرة من العين
أو بوسة ع الجبين
أو على الإدين والرجلين
نفسى أسمع ضحكتك
أو أشوف خوفك ولهفتك
كان نفسى تشوفى ابنى وتحضنيه
وأقول دا يشبهك ف حاجات كتير
راضى بحكم الله القدير
وعارف إن قدره كله خير
وأملى فيه كبير
إنك تكونى ف أمان
بفضل العزيز الرحمن
ويا رب كل من فارق والديه
ارزقه بصبره ع الفراق
إنه ف الجنة يلاقيه
من غير شىء يؤذيه
يا رب العالمين
