كارهة صراحة قلبى وطيبته
عايزانى الف كمان وادور
دُغرى ياروحى وهفضل دُغري
لو ترمينى ف قلب بحور
عاشقة الزيف وزواقك طينته
عايشة الوهم وعقلك فاضي
عايزة تكونى ف قلب المحور
والناس ساقية تدور ع الفاضي
كرسى الملكة محجوز ليكي
والجلاد وكمان القاضي
كل الدنيا بحمد تسبح
عرش جلالك فوق انقاضي
حاجزة الحب وشارية مدينته
حطة عساكر ع الأبواب
لو اقول لأه جنابك هنته
قولة آه تفتح لى الباب
لأ يا حبيبتى وألفين لأه
كل كلامى صراحة عجينته
وان كان لأه قفلت مدينته
وحطيت قفل على الأبواب
![سامح لطف الله يكتب: كارهة صراحتى سامح لطف الله يكتب: كارهة صراحتى](https://img.youm7.com/large/s720123017624.jpg)
مشاركة
اضف تعليقاً واقرأ تعليقات القراء
مشاركة