ملامحك بتتغير وابتسامتك بتختفى
وولادك بينسوكى وفى كتير بقوا يكرهوكي
مش عارفين قيمة ترابك ولا حنية أرضك
أهلك اتقسموا وبيحاربوا فى بعضهم
ناسيين انك حاربتى علشان يلاقوا
وطن يحميهم ويضمهم
مش حاسين حزنك عليهم
ولا شايفين الطمعانيين فيكِ
ولا اللى عايز يغير ملامحك ويشوهك
علشان تتوهى وتبعدى وما نعرفش نلاقيكى
أو نلاقى ناس غريبة أو عدو بيمزقك
مع إن طول عمرك بتسامحى وبتنسى
لو حد بيهينك او يجرحك
لكن كل اللى حبك وعشق ترابك
نفسه تعود ضحكتك وتنسى حزنك وتفرحي
وترجع شوارعك تنور ويملاها ولادك المخلصين
يزودا أرضك وزرعك ويحفظوا أمنك وخيرك
وتعود الضحكة لنيلك اللى انطفت من سنين
ربنا يحفظك يا بلدى ويحميكى
ونقدر نداوى جروحك وتنسى ظلم السنين
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة