قلم وأستيكة و براية
وحلمى دايما ضحكايا
وحافظ الدرس كويس
و بسمعه من جوايا
انا حبى ليكى مش كدبة
ولا حتى صفحة فى رواية
دانا اللى بهتفلك دايما
وعلمك مرفرف فى سمايا
بـحزن كتير لما بتآسى
وتـحطى للحلم نهاية
فى الفصل قالوا انك أمى
وأنا أمى مش آسيا معايا
دى الأم شجرة وبتضلل
وانا توهت فيكى وبتضلل
بتكسرينى وبكمل
واليأس عمره ما كان غاية
معرفش لية لسه بحبك ؟
والقرب منك ده مُنايا
والبُعد عنك لو جنه
من غيرك الجنة نهاية
قلم واستيكة وبراية
وحلمى دايما ضحكايا
وحافظ الدرس كويس
وبسمعه من جوايا
صورة أرشيفية
