اتلمينا عند التليفزيون بعد العصر
ملهوفين مستنيين نسمع كلمة رئيس مصر
طلع السيسى على المنصة ونادى وقال
تحيا مصر بصوت هز الجبال
قالها الأسد وسط أرض الأمريكان
و هيسمعوها بتتردد فى كل وقت ومكان
أصلهم عارفين إن مصر عمرها ماهتنكسر
وصوتها رجع تانى يجلجل ومش هينفع يتحسر
قلبى بينبض وبيقول تحيا مصر
هيفضل يقولها بقوة على طول وكل عصر
أخيرا سمعوا صوتنا برة وصدقوا
إن بلدنا مش هتوقع مهما بينا يفرقوا
تحيا مصر.. تحيا مصر.. تحيا مصر
آه يا أمى ياما اتفقوا عليكى يوقعوكى
بس مش هيقدروا علشان رجالك بيحبوكى
أصلهم مش عارفين أد إيه إحنا بنحبها
نسيوا رجالة أكتوبر وإزاى كانوا شايلين همها
كانوا شايلين السلاح على كتافهم وفى إيديهم
رايحين للموت وأهلهم مش خايفين عليهم
عايزين يرجعوا الأرض ولو حتى بدمهم
لا رصاص و لا مدافع ودبابات بتهزهم
عايزين يرجعوا سيناء أرض الفيروز
قبل ما الأندال يسرقوا منها كل الكنوز
كانوا بيصرخوا و يقولوا تحيا مصر بصوت عالى
كانوامستعدين يضحوا علشانها بأرواحهم وبكل شىء غالى
تحيا مصر.. تحيا مصر.. تحيا مصر
عيشتى يا بلدى حرة مستقلة بجد
مش هنخضع من النهاردة لأى حد
تحيا مصر.. تحيا مصر
تحيا مصر بيقولوها ولادنا كل يوم الصبح فى المدارس
بنعلمهم قيمة ترابها وإزاى يحموها ويكونوا عليه حارس
هيحموها بكرة مع جيشها وشعبها
وهيفضلوا تملى محافظين على أرضها
يا ريس خلى مصر على طول قدام عينيك
ربنا هيسألك عنها فى الأخرة أصلها أمانة فى إيديك
حافظ عليها من كل الطماعين
وميهمكش خالص من كلام الحاقدين
اللى كانوا بيتكلموا والكراسى قدامهم فاضية
أصل خلاص مصر إدتهم القاضية
كان فاكر إنه هيكون السلطان العثمانى
وهياخد الدهب منها فى صوانى
بس أنا هرد عليه وأقوله
يا أردوغان اخرس واعرف فين مكانك
علشان المرة الجاية هقطعلك لسانك
تحيا مصر.. تحيا مصر
هنقول تحيا مصر تانى
بكرة هنبنى ونشتغل ونحفر ونحقق الأمانى
هفضل أقول تحيا مصر لأخر نفس فيا
أصلى ياما كلت وشربت من خير البلد ديا
تحيا مصر.. تحيا مصر
![عمرو محمد مدنى يكتب: تحيا مصر عمرو محمد مدنى يكتب: تحيا مصر](https://img.youm7.com/large/9201424204656.jpg)
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
سيد
قصيدة جميلة
قصيدة جميلة وروعة واتمنى لك التوفيق والنجاح
عدد الردود 0
بواسطة:
Desert fox
ايه الحلاوةةةةةةةةةةةة ديه
عظمة علي عظمة يا نجم