اسمعى حكايتى وافهمى لا تيجى يوم وتندمى
أوعى زيى تغلطى الفكر ده اصلا غبى
ما تكرريش غلطتى ما تسلميش وخلاص
ادينى باحكى قصتى وبقولها لكل الناس
سلمت قلبى لحد ضميره طلع نصاب
كل اللى عايزه خد بورقة ذى جواب
بفكرة كانت خبيثة خديتنى لورطة وحوسة
فجأة لائيتنى عروسة عايشة فى أمل كداب
القصة دى مش انا القصة دى بنات كتير
رسمنا احلام فى الهوا اتاريها كانت كابوس كبير
ضاع مننا كم سنة كان فين ساعتها عقلنا
كان فين ولاءنا لاهلنا الوهم كان بيشدنا
عرفى لأ ورقة لأ جواز يعنى على الملأ
كفاية قلبى اتحرق كفاية عمرى اللى اتسرق
عرفى لأ ورقة لأ، لأ ولأ، وألف لأ
أمرأة تبكى - صورة أرشيفية
