اعترافات عامل السياحة المتهم بقتل عجوز العمرانية: دخلت شقة قريبتى من البلكونة وأخذت المفاتيح وبعد ساعات عدت من الباب.. المجنى عليه استيقظ أثناء محاولتى فتح الغرفة فضربته بمسجد مجسم ورجعت لبيتى

"أنا كان قصدى السرقة بس، ومعرفش أن الموضوع هيوصل لجريمة قتل، معنديش فلوس أصرف على نفسى وخطيبتى، واستغليت فرصة أن قريبتى "فوزية.ب" وجوزها مسافرين الشرقية لزيارة أقاربهم وقلت أدخل أخد الفلوس بتاعتها.. أنا عارف أنها معاها فلوس كتير عشان الجمعيات اللى بتلمها، لكن مكنتش أعرف أن فى حد جوا الشقة .. المهم استغليت معرفتى بمداخل الشقة علشان دخلتها قبل كدا، ودخلت الساعة 5 صباحا من البلكونة لأن الشقة فى الدور الأول، ولاقيت المجنى عليه نايم فى أوضة النوم، فحصلت على مفاتيح الشقة وخرجت تانى من البلكونة، واستنيت لحد الساعة 10 الصبح وفتحت الباب والمجنى عليه كان لسه نايم، حاولت افتح باب أوضة النوم لكن لاقيته مقفول، ولما خبطته بكتفى فوجئت أن المجنى عليه صحى من النوم، وقبل ما يمسك فيا لاقيت مجسم على شكل "مسجد" بمأذنة كبيرة، فمسكته وضربته بيه على راسه لحد ما وقع غرقان فى دمه، وكملت عليه بعصاية كانت بالصالة".

هذه الكلمات قالها "سيد.ه" - عامل فى مركب سياحى - المتهم بقتل رجل مسن فى شقته بالعمرانية فى اعترافاته لرجال المباحث عقب القبض عليها وأضاف "بعد كدا دخلت أوضة النوم وفتشت فيها ولاقيت 5500 جنيه حطتهم فى جيبى، وقبل ما أمشى غسلت الجامع المجسم اللى ضربت بيه الراجل من الدم ولاقيت "مصحف" و"سبحة" وسجادة صلاة، وخرجت من الشقة وطلعت لشقتى اللى فى نفس البيت وبعدين حطيت الجامع فى كرتونة هدايا والسبحة وسجادة الصلاة فى حقيبة هدايا تانية ورحت لخطيبتى قولتلها الجامع دا هدية عشان تحطيه فى شقتنا لما نتجوز والسجادة والسبحة هدية لوالدتك".

كان اللواء مجدى عبد العال مدير الإدارة العامة لمباحث الجيزة تلقى بلاغا من ربة منزل أفادت فيه بمقتل "محمود.ع" داخل شقتهما بالعمرانية.

انتقل المقدم محمد غراب رئيس مباحث العمرانية إلى أماكن الحادث وبإجراء التحريات تبين أن مالكة الشقة ترتبط بعلاقة قرابة مع المجنى عليه، وكان يتردد عليها لزيارتها ويبات معها أثناء سفرها زوجها خشية تعرضها للسرقة، كما تبين أن المجنى عليه كان يقيم فى شقة صغيرة بمفرده فى العمرانية ويوم الحادث استدعته صاحبة الشقة للمبيت حتى لا تتعرض للسرقة .

توصلت التحريات إلى أن مالكة الشقة "فوزية.ب" تعرضت للسرقة منذ 3 سنوات على يد عامل من أقاربها يدعى "سيد.ه" يعمل على مركب سياحى ويقيم بالشقة التى تعلوها بذات العقار، حيث تسلل إلى الشقة لسرقتها إلا أنها اكتشفت أمره ما دفعه للاعتداء عليها بــ"يد الهون" وأصابها برأسها بجرح غائر وفر هاربا ولم تحرر محضرا، نظرا لعلاقة القرابة التى تربطها به.

وأكدت التحريات أن "سيد.ه" وراء ارتكاب الجريمة، وبإخطار اللواء طارق نصر مساعد وزير الداخلية مدير أمن الجيزة كلف رجال المباحث بالقبض عليه، وبإعداد كمين تمكن الرائد محمد عوض والنقيب كريم صفائى معاونى مباحث قسم شرطة العمرانية من ضبطه.

وبمواجهته اعترف أمام العميد درويش حسين رئيس مباحث قطاع غرب الجيزة بارتكابه الجريمة، فتحرر له المحضر اللازم وإحالته إلى النيابة وجهت له تهمة القتل العمد وأمرت بحبسه على ذمة التحقيق وتشريح جثة المجنى عليه والتصريح بدفنها.