أحمد الميرغنى: فرحان إن "دجلة" خسر أمام الزمالك ونفسى يهبط

قال أحمد الميرغنى، لاعب نادى جولدى الحالى، ولاعب نادى الزمالك ووادى دجلة السابق، إنه سعيد بخسارة نادى وادى دجلة أمام نادى الزمالك، فى أولى مباريات "الأبيض" فى الدورى العام المصرى، أمس الأربعاء، أكثر من فرحته بفوز الزمالك فريقه القديم.

وأضاف الميرغنى، فى تدوينة له على حسابه الشخصى بموقع التواصل الإجتماعى "فيس بوك"، صباح اليوم الخميس: "الناس المثاليين اللى عندى بتوع بلاش شماتة، ياريت يهدوا شوية علشان أنا مش مثالى، وكمان اللى بيتكلم ده لو حصل معاه اللى حصل معايا هيقول كده وأكتر".

وتابع: "أنا أصلاً نفسى دجلة يهبط، ومش هزعل غير على أصحابى والناس المحترمين اللى اتعاملت معاهم فى النادى، وهما بيقروا الكلام ده هما أكيد عارفين نفسهم".

وكان الميرغنى قد تعرض لهجوم حاد بعد انتقاد الدولة، الأمر الذى أدى لتخلى نادى وادى دجلة عنه، وهو السبب الرئيسى لما بدر عن الميرغنى من تصريحات حول خسارة نادى دجلة وتمنيه هبوطه للدرجة الثانية.