أنا الفارس أنا الحارس على سِحرك
أنا المارد يثور لو حد جه جنبك
نسيم الليل بيستأذن قبل ما ييجى على شعرك
ومصباحى ومملكتى رهن إشارة من أيدك
لكن فى قوتك ضعفى ومقدرش عليكى أثور
دا حتى فى منتهى غضبى بداريكى فى طوق مسحور
تِقيد النار أنا ف جوفى وعندك تبقى طاقة نور
أنا المارد صحيح لكن قصادك بتقلب عصفور
بحس فى ضحكتك أمى تطبطبلى على كتفى
عينيكى هيا ترياقى ومن سم الهموم تشفى
بحور الدنيا لو شعرى فى أوصافك ما هتكفى
يا جنية وحورية فى فلك الدنيا بتلفى
تم أضافة تعليقك سوف يظهر بعد المراجعة