لما تغرب الشمس فى وقت الغروب
قلب العاشق من العشق لا يهدى ولا يتوب
صوت العصافير تزقزق على أغصان الشجر
يعزف لحن شوق الأحبة لضى القمر
البحر صافى والموج على الشط هادى
يوصل بريد الشوق للأحبة عليهم ينادى
يسرح الخيال بلقاء المحبوب بعد الفراق
والقلب مستنى الحبيب يهل على عتبة الأشواق
وتعدى نسمة هوا تشعل نار الحب تقيد
ومن لهيب الغرام تكبر وتزيد
صوت مناد ينادى من بعيد
تفرح الروح الساعة دى من جديد
لحظات سكوت لغة العيون تتكلم
ونبض القلب يدق ويسلم
إحساس الحب غريب فى القلب سهم يصيب
ومهما طال البعد ولا لحظة يروح ويغيب
نسيوا الدقائق نسيوا الساعات
نسيوا الوقت عدى وفات
حكاية ورا حكاية وحكاية حب ملهاش نهاية
لما شمس الدنيا تغيب فى وقت المغيب
شمس الحب عمرها ما تغيب
لحالة حب
