الزمالك رداً على أنباء رحيل كهربا:"النادى لا يقف على أحد واللى قبله عيطوا"

أكد رحاب أبو رجيله عضو مجلس إدارة نادى الزمالك، أن محمود كهربا لاعب الفريق الكروى الأول، مرتبط بعقد مع القلعة البيضاء سارى لمدة 5 سنوات، ولا يستطيع الرحيل دون موافقة النادى، معرباً عن دهشته من الأنباء التى وردت حول رحيل اللاعب فى انتقالات يناير المقبلة.

وقال أبو رجيله خلال تصريحاته لبرنامج "اللعبة الحلوة" مع الإعلامى خالد الغندور عبر شاشة "LTC" :"يعنى إيه لاعب مرتبط بعقد مع فريقه لمدة 5 سنوات يمشى فى يناير، ما فيش حاجة اسمها كده، ومع احترامى لكهربا أو أى لاعب تانى يطلع يقول عايز امشى، لأن الفريق مش بيقف على حد".

أضاف ، "كلنا يشرفنا نادى الزمالك، وأى واحد فينا يتمنى يمر أمام سور النادى، وفانلة نادى الزمالك الكل كان بيتمنى يلبسها، واللي ما لبسهاش ما عرفش قيمتها، واللي مشى لحد دلوقتى بيعيط أنه قلع فانلة الزمالك ومش عارف يرجع".