بالفيديو.. مزارعو كفر الشيخ يصرخون: "تدوير قش الأرز بيكلفنا 2000 جنيه يومياً..نجيب منين"

يعد قش الأرز من المشكلات الكبيرة التى تعانى منها أغلب محافظات مصر الزراعية حيث يقوم الفلاح بحرق قش الأرز مما يؤدى إلى إنتاج مشكلة أكبر وهى السحابة السواء التى تكسو سماء مصر .

وقع وزيرا البيئة والزراعة بروتوكولات تعاون فى مجال جمع قش الأرز وتدويره وإدارة معدات جمع ونقل المخلفات الزراعية بمحافظات القليوبية والغربية والشرقية والدقهلية وكفر الشيخ والبحيرة.

اليوم السابع رصد معانات مزارعى محافظة كفر الشيخ الذين يعانون من مشكلة كبيرة نتيجة عدم اكتمال هذا البروتوكول بالمحافظة ، حيث قال إبراهيم جاد أمين عام مساعد الفلاحين مركز سلسال بالمحافظة ” أنا بوجه نداء وصرخة لوزير الزراعة ووزير البيئة وعلى رأسهم محافظ كفر الشيخ ، لأن مشروع تدوير المخلفات الزراعية ضر الفلاح ضرر فظيع جداً ، أنتم جبتم معدات وحتطوها فى المخازن لحساب مين ؟.

وتابع إبراهيم:” فى صاحب شركة قالنا إحنا هنلم القش من الأرض وبالفعل لمه بطريقة بدائية باللودر وبدون أى معدات والفلاح حرقة وفى غرامة دلوقتى على جارنا فلاح بـ5000 جنيه للفدان ، طب ده لحساب مين ؟ ” يعنى ضحيتوا بالفلاح فى الأول والأخر حطوا على دماغه الطين ، والقش اللى متحرقش متكوم ولم تعابين وفران ، ده غير العمالة اللى اشتغلوا فى لم القش مخدوش حقهم ولا تعبهم “.

أما صبرى عباس أحد أهالى قرية دمرا محافظة كفر الشيخ قال ” وزير البيئة مع وزير الزراعة مع المحافظ دخلوا محافظة كفر الشيخ ضمن محافظات السحابة السوداء “

وأضاف صبرى : ” القش مصيبة كبيرة وبقى خلاص فاسد معدش ينفع للاستخدام يعنى الفلاح خسره والتاجر خسره والوسيط خسره وفى النهاية هتولع فيه .. المنظومة فاشلة نهائياً “

وأوضح : “وزارة البيئة قالت هنجيبلكم معدات اللوادر واللامامات وبالفعل جابوها بس متأخر جداً ، لأن الموسم فى كفر الشيخ يبدأ فى 1 أغسطس وينتهى فى 1 سبتمبر ، والمعدات جت يوم 10 سبتمبر يعنى كان الفلاح بدأ يزهق ويولع فى القش ، ثانياً لما روحنا نستلم المعدات قالوا إيجار الجرار بـ300 جنيه فى اليوم والمقطورة بـ 100 جنيه فى اليوم .. وده غير باقى المعدات من مكابس وغيرها يعنى هيقف عليا اليوم بـ 700 جنيه معدات وكمان ده غير العمالة اللى فى الأرض يعنى هدخل فى اليوم من 1000 إلى 2000 جنيه والفلاح هيجيب منين ده يادوب الزرعة بتكفى بالعافية ” .