وهيجى اليوم دة حبيبتى أكيد
وهيبقى عندنا أجمل عيد
وأكلم بابا وأكلم ماما
وكل الناس قريب وبعيد
وأطلب إيدك وأنا سعيد
وساعتها هشوف الفرحة فعنيك
وشوية كسوف على حبة خجول
الليلة دخلت البيت من بابه
وقلبى فتحلى وقال على بالى
شوفت حمايا سلمت عليه
وقالى أمر عايز أيه؟
قولتله عايز أكمل دينى
وبنتك هى النص التانى
ونفسى يا عمى تبقى ليا
وأوعدك أنها جوا عنيا
ونفسى يا عمى تبقى مراتى
علشان هى كل حياتى
هتبقى يا عمى كل ما ليا
أم عيالى وغالية عليا
وسمعت أحلى زغروطة فى الدنيا
باباكى وافق تبقى ليا
ويا روحى هنجيب الشبكة قريب
وهلبسهالك هنا بإديا
يلا حبيبتى بسرعة تعالى
هاتى شربات شغلى أغانى
وتعالى وقولى لكل الناس
حبيبى بقى خطيبى خلاص
حبيبان - أرشيفية
