بحبك..
لما يصحينى
فى كل ليلى
فقدك..
أجرى عَ الجاليرى
فى موبايلى
وكبًر وبوس
صورتك..
وأقول يا حبيبى
بحبك..!
,,,,,
بحبك..
وروحى نايمة فى
حُضنك..
ولما نور الشمس
ياخُـدنى لمَسار
خَطوك..
والضل ينادينى
فى سِكة
مشيك..
أجرى ألحقه.. أسبقه
لَــتِـبعد عنى فِـــ
سَفرك..!
وقلبى مش عاوز
أدوس على
أثرك..!
ودمه يجرى شارة حمرا
تِمنع غيرى يعدى
ويرتل سبحان من
خلقك..!
فالدنيا يا حبيبى
حِدودها مِتعطرة بــ
حُبك..
ويِــنتهى الوجود فى الحتة
اللى ما فيها
ريحتك..!
ولا بيها شبه
من رسم
وجهك..!
..........
بحبك..
تعرينى.. تغطينى بــ
رمشك..
فمرتبتى الصَفرا
مفروشة وضفافها
جِــفنك..!
ووسادتى العَسلى
النينى اللى فــ
عينك..!
كلى جواك ولسه
بتقولى أنا مش
شايفك..!
......
بحبك..
وح ستناك مهما
رَمِـيت عُمرى بــ
صمتك..؟
عارف ليه..؟
مش لأنى رِقٌ
فى عشق
روحك..؟
ولأن سبحان.. سبحان
من لضم نهايتى
فى بداية
عمرك..!
وأسرى بى رزقاً
فى زورق
حُبك..!
ويِـــعرف قـــد إيه
قد إيه أنا
بحبك..؟
......
بحبك..!
غروب ـ أرشيفية
لا توجد تعليقات على الخبر
تم أضافة تعليقك سوف يظهر بعد المراجعة