ابن شهيد بنى سويف: "بابا وصانى على أخواتى وقال لى أنت راجل"

قال عمار - 9 سنوات - الابن الأكبر لشهيد الشرطة أحمد فتحى محمد من بنى سويف، والذى لقى مصرعه فجر أمس فى تفجير نادى الشرطة بالعريش: "حسبى الله ونعم الوكيل، بابا وصانى على أخواتى، وقالى أنت راجل يا عمار وكلمنى امبارح بالليل وقالى خلى بالك من أمك وأخوتك، بابا مش مات، مات صاحى عند ربنا".

وتابع عمار: "أنا الابن الأكبر ومبسوط باسم شهيد، بابا بطل، بابا سابنى راجل هكون مكانة وأراعى أخواتى ملك وجنة وماما وكمان أخوى اللى لسة فى بطن ماما".

عمار أو كما يسمونه فتحى لم يتمالك نفسه، وبكى بكاء شديدا قائلاً: حسبى الله ونعم الوكيل فى اللى قتل بابا، وخلانى أعيش من غير أب، ومن غير حضن بابا، بابا كان بيحبنى أوى وكان بيجبلى معاه كل حاجة وهو جاى من السفر".