بالفيديو.. زينة عن أحمد عز لـ"هنا العاصمة":"الراجل لو نزل من نظر مراته مابيرجعش تانى"

قالت الفنانة زينة، إن محاميها محمد الدكر الذى توفى لم يكن لها مجرد محامى فقط ولكنه كان بالنسبة لها مثل والدها، مضيفة أنها كانت سألته من قبل "لو أحمد عز جالك كنت هتاخد القضية بتاعته؟" رد وقال "أعوذ بالله".

وأضافت خلال مداخلة هاتفية لبرنامج "هنا العاصمة"، على فضائية "سى بى سى"، مع الإعلامية لميس الحديدى، أنها كان معها عدد من المحامين، ولكن المحامى كان "مقفل" القضية، وجعلها تقرأ المذكرة كلها، موضحة أنها قالت للقاضى :"أنا مبفهمش فى القانون، أنا هحكيلك حكايتى وانت احكم"، مشيرة إلى أنها حكت للقاضى وقالت له :"أنا تعبت".

وأوضحت أنها حضرت كل الجلسات، ولكن أحمد عز لم يتابع الاستئناف الذى رفعه، قائلة:" هو ميقدرش يواجه، وهو كبيره يستخبى ورا شوية محامين جايبهم عشان يغلطوا فينا، مستطردة :"احنا ملناش غير القضاء، إذا كان واحد قرر انه يبيع لحمه ويرمى عياله ويتبرى منهم عشان شوية معجبين وأفلام".

وتابعت :"هجرى ورا حق عيالى لأخر يوم فى عمرى، والحمد لله إن القاضى المحترم النهاردة حجز القضية ليوم 13 يناير للحكم.. أنا تعبت أوى ودخلة المحكمة صعبة"، مردفة :"عايزة أعيش حياة طبيعية، اه غلطت، بس عايزة حقى".

ورداً على المذيعة :"لو جالكك أحمد عز واعتذر واعترف بالولاد هترجعيله؟"، قالت :"أعوذ بالله.. الراجل لما ينزل من نظر مراته مابيرجعش تانى لو عمل ايه، خلاص انتهت".