شذى مصطفى عقيل تكتب: يا سلام يا تعليم

بيقولك العقل السيلم فى الجسم السليم.. منين هيبقى العقل أصلا سليم من التعليم اللى واخدين فيه المركز قبل الأخير على مستوى العالم.. ولا من الحضانات والمدارس والجامعات والدروس الخصوصية اللى علشان تديها لولادك محتاج تسرق بنوك.. ولا من المحافظ اللى كل شويه يقفل سنتر دروس أو كورسات والطلاب بعدها تثوووور فيجمد القرار.

ركزت وبدأت تفكر أوكى إحنا كمنظومة تعليمية أساسها من البداية غلط أقولك انزل احضر محاضرات مع تربية وآداب انزل شوف الدكاترة نفسها بدرسلهم وتعلمهم إزاى وهما هيبقوا المدرسين والمعيدين والدكاترة فى الجامعات يعنى اللى هايعلموا الطلاب هما ماتعلموش صح من الأساس.. يوم ما تقرر تبنى العقل السليم اتأكد أن جسم المنظومة سليم ...