أشاد الكاتب الصحفى مصطفى بكرى بمبادرة رجل الأعمال أحمد أبو هشيمة رئيس مجلس إدارة حديد المصريين، وجمعية الأورمان، لتطوير القرى الفقيرة، وحكى عن زيارته لقرية "الشيخ على" بنجع حمادى، التابعة لمحافظة قنا، قائلاً:"الناس مش لاقية، ويطلع على المنصة واحد يصرخ وسط الناس ويقول لا أملك إلا جلابيتى وعندى 6 بنات، وبيهتف تحيا مصر ويحيا السيسى، مشيرا إلى أن الرئيس واصل للغلابة حتى اللى مش لاقيين ياكلوا، الناس شافت فيه الأمان".
ووجه بكرى خلال تقديمه برنامج "حقائق وأسرار"، على فضائية "صدى البلد"، رسالة للرئيس السيسى :"يا ريس إحنا ممكن تبقالنا مشاكل للصبح مع ناس فى البلد وحكومة ومع غيره، بس بنصبر، والناس بتصبر عشان عندها أمل فيك وأمل فى إنك هتخرجنا من الأزمة الموجودة دى، هو حضرتك لو مشيت تفتكر فى حد هيجى بسهولة؟، دا أنت شايل جبل".
وتابع بكرى :"وأنا بقولك الكلام ده لا عاوز منك حاجة ولا بلجأ لحاجة، أنا بقول كمواطن مصرى، يا ريس إحنا عاوزينك وأرجوك لا تكرر هذا الكلام مرة أخرى، لأن ده بيشجع آخرين وعمل رد فعل سىء فى الشارع، والناس بتسأل هو الرئيس ممكن يسيبنا؟".
واستطرد :"أنت الراجل اللى قريب مننا، واللى بيعيد بناء الدولة المصرية الآن، أنت الرجل الطيب اللى قلبك مفتوح لينا".
مصطفى بكرى يشيد بمبادرة أبو هشيمة لتطوير قرية "الشيخ على"
الخميس، 24 ديسمبر 2015 07:19 م![مصطفى بكرى يشيد بمبادرة أبو هشيمة لتطوير قرية "الشيخ على" مصطفى بكرى يشيد بمبادرة أبو هشيمة لتطوير قرية "الشيخ على"](https://img.youm7.com/large/12201524185834440بكري.jpg)
كتب أحمد عبد الرحمن
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة