لأجل الكرامة يهون الوجع
بهية بتصرخ فى لحظة وجع
بهية بتحلف برب الوجود
شهادة ولادها جنود الحدود
بتروى الأراضى وتطرح أسود
بهية يا غالية يا رمز الصمود
فداكى ولادى برب الوجود
شهيد الكرامة صراخه اتسمع
بهية بتصرخ فى لحظة وجع
وتحلف بعمر الشهيد اللى ضاع
ماهتسيب ولادها فى طريق الضياع
فى لحظة ميلاها يموت الجدع!!
بهية بتصرخ فى لحظة وجع
بهية بتحلف مماته حياة
وزلزل بصبره جبال الطغاة
فى لحظة سكوته بيبنى الهرم
ويرفع بإيده رايات العلم
ويحلف بدمه الورق والقلم
ويكتب شهيد الكرامة جدع
بهية دى قصة هوا تتسمع
مابين الصبية وبين الجدع
بهية الأبية بتنزف وجع
سلامتك يا أمى يا أصل القضية
فداكى ولادى وكل اللى ليا
أنا ابن نيلك أنا ابن الجدع
أنا صوت أنينك وأبويا الوجع
بهية بتصرخ فى لحظة وجع
وتحلف بدم الشهيد الجدع
شهادة ميلاده بتولد حياة
بحق اللى صايم وصلى وركع
عدد الردود 0
بواسطة:
Hamdy Abdel-Gawad
هؤلاء هم ابطال مصر وشهداء مصر العظام هم في الجنه خالدون.