بالفيديو والكلمات.. جونى يطرح أغنية "جايز أندم"

"جايز أندم": اتعلِّمتْ أهرب من قلبى ومن إحساسُه.. اتعلِّمتْ قُصاد أحزانِك ما اتألِّمش.. مهما سهرتْ ومهما عيونى فـ ليلِك قاسوا.. اتعلِّمتْ أدارى دموعى وما اتكلِّمش...
كُنتْ باعيش علشان مايموتش فـ قلبى هواكِ.. كُنتْ باموت علشان فـ عيونِك نفسى أعيش.. قولتْ أعاتبِك وأعرف إيه أخرتها معاكِ..
خوفتْ تردِّى عليَّا بضحكة وما تجاوبيش..
كنتْ بأقولِّك إنِّى فـ حُضنِك باخلق روحى.. وإن الرعشة فـ إيدى دى لهفة بتتمناكِ.. كنتْ بأقولِّك إنِّى بلوِّن بيكِ جروحى.. وإنِّى مجرد صرخة بتغرق جوَّه سماكِ..
كان فـى لُقانا الوقت بيتعب من مشاويرنا.. كُنَّا بنسبق أبعد حلم ونستنَّاه.. وأدى طريق الشوق بيسلِّم روحُه لغيرنا..وإحنا مسيرنا نفارق روحنا عشان نلقاه...

جايز أندَّم إنِّى فـ يوم ماقدرتش أسامحِك.. جايز أندَّم وأرجع أحنّْ لحُضنِك تانى.. جايز ألمس صورتِك لمَّا أحسّْ بجرحِك.. بس لا يُمكن أغنِّى بصوتِك عن أحزانى.

موضوعات متعلقة