صلاح السنديونى يكتب : الموظفون

اعرف موظف بيغيب فوق العشرين يوم
فى الشهر الواحد ويقولك انه مظلوم
وانه ما يحبش بالقوانين يبقى محكوم
هو مفيش رحمة فى قلوبكوا يا خلق يا هو
وموظف قال الفهلوة مؤهلاتي
ما بيفهمش حاجة فى الشغل ومزوغاتي
وعلى حساب الدولة بياكل عند الحاتي
وفى كل مكافأة يقول اسمى اوعوا تنسوه
واللى بيحل فى كلماته المتقاطعة
ناقص له اسم فنانة قرعة وكتعة
ويقول اموت وانشلا اتشال حتى مرابعة
بس الجرنال اوعوا عنى مره تخبوه
وموظفة بتبيع ادوات مكياج وعطور
قمصان للنوم برضو تلاقى ولبن العصفور
وموظف عنده جبنة وزبدة وداير ما يدور
الناس ملمومة علشان صنف جديد يدوقوه
اما التيلفون تيجى فاتورته دايما ألوفات
وادفعى يا حكومة ولا يهمك فرقوا شربات
يا موظفين واتكلوا بالست ساعات
الواد ماخدش الدوا واللبن اغلوه
اصل القضية ان محدش بيحاسب حد
وناس كتير واخداها هزار دايما مش جد
وذمم خربانة صعب اقول ازاى تتسد
والحل طبعا انتو كمان برضو عرفتوه
يا خلق ياهووووووووووووووووه