داليا إيهاب يسرى تكتب: حبك أغلى عندى من الناس كلها

حبك أنتى يا مصر باقى أغلى من الناس كلها.. لو حكيتلك عن جمالك صعب أوصف أهلها.. ناس أصول جدعان أوى فى الشهامة مفيش كدا.. وإن سألتى فى يوم عليهم هتلاقيهم وقت الشدة فى ظهرك.. أنت بيحموكى من أى حاجة تمس شعرة منك.. أصلهم خايفين عليكى هو فى أغلى من كدا.. وإن غابوا فى يوم عنك اتغربوا وبعدوا عنك تسمعيهم بيقول فيكى أشعار منها.. حبك أنتى يامصر عندى أغلى من الناس كلها.. مهما بعدوا طالت الغيبة لكنى بقولهم أوعوا تنسوا.. دا مصر غالية هيا الحضن الدافى هيا الأيد بتحن تطبطب وقت الشدة على ولادى.. تعرفى أنهم أول ما تيجى سيرتك بيدمعوا وتكون دمعتهم قريبة.. أصلك بتبقى واحشاهم وأسأليهم عشان تتأكدى.. وبيقولولك والله ماغبنا عنك إلا للشديد القوى.. وأول ما حد يجيب فى سيرتك بيردوا غيبتك ويحاموا عنك.. متخافيش واقفين فى صفك مش بقولك جدعان أوى فى الشهامة مفيش كدا.. بس صعبان عليا حالك يابلدى نفسى أفرح بيكى بقا.. نفسى أشوفك بالفستان الأبيض والطرحة ومزوقة الدنيا بجمالك والحلاوة مفيش بعدها.. أمسحى دموعك يا بلدى أوعى أشوفك يوم بتبكى.. متخافيش إحنا معاكى وافقين فى ظهرك وفحماكى نفديكى بعمرنا.. أرجعيلى عشان خاطرى دا أنتى عندى بالدنيا كلها.