محمد صوان يكتب: بلادى

الثلاثاء، 10 مارس 2015 12:03 ص

أهرامات الجيزة

اضف تعليقاً واقرأ تعليقات القراء

ولا زيّك فى الدنيا بلادى
ولا فيها عظمة أجدادى
وتاريخك من قبل تاريخها
ولا مجد بيشبه أمجادى

وف ليل العالم نورتى
بحضارتك وعيونه بهرتى
وف أجمل صوره وظهرتى
بين كل العالم يا بلادى

دى حروفك أجمل الحانى
بانطقها بتهز كيانى
مهما أبعد عنك بالقانى
با رجعلك وبشوق يا بلادى

قالوا نيلك نَبْع من الجنة
وترابك بالعطر اتحنى
باهواكى وقلبى بيتمنى
أحضن كل ترابها بلادى