بيقولوا فيه زيى أربعين
نفس الملامح والصفات
نفس الجينات بالمسطرة
بس لو هى الحظوظ
تبقى الحكاية مسخرة
عايز شبيه كده أبهة
أم النزاهة الفشخرة
لابس مهندم شيك وبيه
وفلوسه تملا المندرة
مش فقر زى الباشمهندس
وعنيه حسودة مدورة
وفلوس تعدى من ايديه
وكأنها متقوَّرة
يمكن سعيد ومليونير
مش مديونير جايب ورا
لو فيه صحيح جد أربعين
تبقى الحظوظ متغيَّرة
![سامح لطف الله يكتب: يخلق من الشبه أربعين سامح لطف الله يكتب: يخلق من الشبه أربعين](https://img.youm7.com/large/12201415171515.jpg)
مشاركة
اضف تعليقاً واقرأ تعليقات القراء
مشاركة