لسه فاكر كل حاجة زى ما تكون من يومين
لسه فاكر حضنك انتى يامّه يا نبع الحـنـين
لما كنت فى مرة أغلط كنتى تيجى تزعقى
وأما أغلس ع الـضـيـوف مـن بـعـيـد بـتبرقى
نفسى أرجع طفل تانى جنب منك..
تنداهينى.. تزعقيلى..وتقوليلى يا "شقى"
بـتـجـمـعى ما تـفــرقى لـو حـتـى عـندك كوم عـيال
الفرحه موصوفة ف عينيكى وانتى شايلة هموم جبال
عمرى ما أنسى أحـلى دعوة الصبح منك
يـستر طـريـقـك يابن بـطـنى.. يـوقفلك، ولاد حـلال
بــتربـى فـينا تكبرى... بنـزعلك وتــكبرى
وفـى عـين حـسـودنـا بـكف إيدك فى وشهم بتكبرى
وإن حد خبط ع البيبان وسط الصلاة بأعلى صوت بتكبرى
قـاســيــتى يــامّه كــتــيــر ويــامــا
والــشـــقــا سايـــب عـــلامــــة
ولـــمـــا كــبـــرنا سـيـبـناكـى
وقارناكـى بـ فــولانــة
فـــ عــيــدها هـــانــــوها واحــضنوها
وامســكــوا إيــدهــا ورجليها وبوسوها
دى الـــجنــة تحت أقدامها.....
راعـــوهـا...تـدخـولـــوها !!
نـــظـــرها ضل.. خـلـيك عينيها
ســـمــعها قـل.. الـنـبـرة عاليها
الـــبـــــرد حـــل.. غـطيها..دفيها
مـــراتـــك تــغـل.. أوعـى تـبـديها
أيـامـــها راحــة مـش لــسه جاية
دعـوتـهــا راحــة ورضـاهـا غــاية
اقــروا عــنــها فى أى دين
هــتـــلاقوا فــيـــها حـديـــث وآيـة
صورة أرشيفية
