بحر طيبة دافى وكريم
لمسة منه تغرق نعيم
حتى الاسم رقيق جميل
ألف بدايته وآخره ميم
أمى يا جنة ربنا ع الأرض
نفسى ليها أوفى دين
حبى ليها ده سنة وفرض
فى كل شرع وكل دين
أيام زمان ياريت تعودى
ياما نفسى أبوس جدودى
سبب وجودها وسبب وجودى
بدروا حب جنيت ورودى
حضن دافى يشفى جراح
شمس نورها تملى براح
لو هتلقى الدنيا عتمه
بيها ليل الكون صباح
دورى يا أشعارى ولفى
لو دين عمرك ما توفى
طيبة أمى وحنانها
حروف الدنيا ما تكفى
