طول عمرى شايلك جوَّايا
يا حتة منى يا أمَّايا
ضمير وغنوة صبحية
ولمّة حلوة ف عصرية
وتوتة فاردة الضلاية
***
وبنات بتمشى وتتمايل
على شط ترعة وخمايل
والصورة فى النيل بتخايل
بيغنى عطشان يا صبايا
***
وتوتة توتة ومين يحكي
عن بنت حلوة وأمورة
وكتير جابولها حصان أبيض
واتلونولها ف كام صوره
***
فاكرينها هاتميل على ميلهم
علشان ما لسه صغيورة
البنت أنت ومين غيرك
يرضى بعش العصفورة
يرضى بعش العصفورة
تم أضافة تعليقك سوف يظهر بعد المراجعة