الفنانة سيمون معلقة على العنف فى المدارس: "دى تربية وتعليم ولا سلخانة"

علقت الفنانة سيمون، على مقتل الطالب إسلام، بمدرسة بورسعيد، فى السيدة زينب، نتيجة لمعاملته بعنف من قبل أحد معلميه، متسائلة: "دى تربية وتعليم ولا سلخانة تعذيب".

أضافت سيمون عبر تدوينة لها على حسابها بموقع التواصل الاجتماعى "فيس بوك"، "أولاد تقتل فى مدارسها من مدرسيها أو من زمايلها والعكس وبنات بتتصور وبيتحرش بيها فى مدارسها برضه ده بجانب البوابات اللى بتقع على دماغهم والشجر والإزاز اللى بيدبح رقبتهم، وأكل وشرب مسموم وطبعا خلى الناتج التعليمى بمناهجه وسمومه على جنب دلوقتى مش موضوعنا خالص..... دى تربية وتعليم ولا سلخانة وتخريب، فيه وزارة للكلام ده؟ وليها وزير إزاى؟ إحنا فين؟".

وتابعت: "أنا معنديش عيال بس أكيد مكنتش أحب يتربوا ويتعلموا فى المنظومة دى وبرضه مكنتش هادفع بالعملة الصعبة فى بلدى وأنا بكسب بالعملة البسيطة طب إيه".