موظفة بالثقافة لـ"خالد صلاح": لا أقبل إهانة الوزير وكرامتى أهم من وظيفتى

هاجم الدكتور عبد الواحد النبوى، وزير الثقافة، إحدى الموظفات فى متحف محمود سعيد ساخرًا منها بطريقة استفزازية وسط العاملين بسبب وزنها الزائد، كما تؤكد عزة عبد المنعم موظفة فى وزارة الثقافة.

وقالت عزة عبد المنعم فى مداخلة هاتفية مع الكاتب الصحفى خالد صلاح، رئيس تحرير "اليوم السابع"، فى برنامج "آخر النهار"، المذاع على فضائية النهار: "قام الوزير بزيارة مفاجئة للمكان بدون الإعلان عن شخصيته وسألنى عن المكان ومواعيد العمل ثم ذهب سيادته لاستكمال الجولة".

واستطردت "عزة": "حينما تحدثت إليه عن بعض المشكلات الخاصة بى مثل علاوة الماجيستير وتعديل الدرجة الوظيفية، قال لى (أنا بقى عندى مشكلة بخصوص الموظفين التخان)، ثم طلب من مديرة المركز، قائلا: (خليها تطلع وتنزل السلم كل يوم عشرين مرة عشان تخس، وبعدين أنا دخلت كان المكتب مقفول لا تكون كانت بتأكل جوا ولا حاجة)، مضيفًا بضحك هستيرى: (أوعى تكونى جايبة بطاطس محمرة جوا)".

وتضيف: "كنت أنا تسلية الناس اللى واقفين كلهم الصراحة، مما دفعنى للرد عليه: هو الشكل من شروط وظيفتى هنا؟ محدش قالى يافندم، أنا بقالى هنا أكتر من سبع سنين وأنا من أوائل الخريجين وسيادتك دخلت مكتبى ومالقتش أكل واتفضل فتشه بنفسك... وعلى كل الأحوال أنا عندى مشكلة عن الناس اللى بتتعب ومش بتاخد حقها".

وأشارت إلى أنه أثناء مغادرة الوزير للمكان قال: "عزة.. يلا بقى، لفى ف الجنينة عشان تخسى زى ما اتفقنا"، مما دفعنى للرد عليه بأعلى صوتى: "لا أنا مبسوطة بنفسى كده ومش هخس، ياريت سيادتك كمان تكون مبسوط"، وتابعت: "لا أقبل إهانتى وكرامتى أهم من وظيفتى".