ألف سلامة ورحمة ونور
ووداعا يا حبيبنا يا خال
وسلاما يا أبو آية ونور
هى الدنيا وهو الحال
بتجمعنا سنين ودهور
وتفرقنا بالترحال.......
وتعيشنا ساعات ف سرور
وتعذبنا ليالى طوال.....
يا ما أحباب ضمتها قبور
بس ما غابوا يوم ع البال
وأنت زرعت حياتنا زهور
وزيك نسيانه محال......
راح توحشنا أيوه اكيد
ياللى شعرك يا ما جمعنا
والبت عزيزة والواد عيد
مين غيرك عنهم يطلعنا
ومين غيرك يحكى عن يامنة
وعن أخبار حراجى القط....
عنهم منك أيوه سمعنا......
وفى السويس وأنت على الشط
بلغت شوقنا للكنال............
وحكيت لنا قصص النضال
وكنت صلب كما الجبال.........
ألف رحمة ونور يا خال
الراحل عبد الرحمن الأبنودى
