للبنات فقط.. "قواعد السواقة العشرون".. هاشتاج "قول للى بتسوق" يسخر من "السواقة الحريمى".. المراية عشان تشوفى اللى وراكى مش لـ"الميك أب".. بلاش تتلخبطى بين البنزين والفرامل.. ولا تلبسى جزمة بكعب عالى

دائمًا تلقى الفتيات سخرية شديدة ممن حولهن بخصوص قيادتهن للسيارات، حيث يعتبر الكثيرون أن الفتيات غير قادرات على القيادة بسبب أنهن غير مؤهلات للتعامل مع المواقف التى تحتاج للتدخل السريع والحكمة وردود أفعال قوية، وفى هذا الإطار دشن نجم كرة القدم المعتزل إبراهيم سعيد "هاشتاج ساخر" جديدًا بعنوان "قول للبنات اللى بتسوق" ورصد فيه أبرز قواعد "السواقة" للبنات.

فيما تفاعل رواد موقع التدوينات القصيرة "تويتر" مع الهاشتاج بقوة ليحتل مركز الصدارة بين الهاشتاجات المتداولة بين رواد الموقع ويلقى إقبالاً شديدًا، حيث بادر النشطاء بتقديم نصائح عديدة للفتيات لضمان قيادة محترفة.

وذكر المدونون عبر الهاشتاج 20 قاعدة للفتيات لتعلم قيادة محترفة من وجهة نظر المغردين، راصدين من خلال تلك القواعد الأسباب الجوهرية من وجهة نظرهم التى تؤدى إلى سوء قيادة السيدات، حيث قال أحدهم: "بلاش تكسرى من غير ماتدى إشارات أبوس أيد أمك"، وفيما يتعلق بركن السيارة وجه النشطاء عدة نصائح للفتيات كان أبرزهم، "أبوس إيديكى ماتركنيش على الرصيف"، وآخر مزح من قيام الفتيات بركن السيارات بطريقة غريبة على حد قوله" الركن موازٍ للرصيف مش فوق الرصيف"، "فكك من شغل الدباديب اللى فى العربية ده".

واستمرارًا للمزاح والسخرية غرد أحد النشطاء قائلاً: "لما حد يكلكسلك متسيبيش الدركسيون وتمسكى دماغك من الخضة وتقفى فى نص الشارع"، مستطردًا: "فى فرق ما بين الدركسيون وطاسة التقلية"، مؤكدين أن "السواقة فن مش عنن عنن".

وعن المرايا فى السيارة تعددت واختلفت مهام مرايا السيارات باختلاف سائقها، فإذا كان السائق رجلاً فإن المرايا تكون لمراقبة الطريق، أما إذا كانت امرأة هى من تقود فالموضوع يكون مختلفًا، فتتعدد مهامها ما بين استخدامها فى مراقبة الطريق أو "تظبيط الطرحة"، أو وضع الميك أب"، حيث مزح رواد "تويتر " من هذا الموضوع قائلين "أبوس إيديك فى حاجة أسمها إشارات ومرايات قبل ما تكسرى على أبونا، أقسم بالله المرايات دى عشان تشوفى بيها اللى وراكى، مش عشان تعدلى فيها الطرحة والميك أب، ظبطى الميك أب كويس قبل ما تنزلى من البيت محبكتش وانتى سايقة".

واستغل النشطاء درجات الحرارة المرتفعة وقاموا بربطها بشكل غريب بقيادة البنات للسيارات قائلين "الجو حر لوحده بعد إذنك متوقفيش الطريق مش ناقصة".

وواصلوا مزاحهم وتوجيه النصائح للبنات "عليا الطلاق بالتلاتة فى بشر ماشيين فى الشارع، متسوقيش أحسن"، "انتى فاكرة إنك لو جيتى تخبطى حد وحطيتى إيدك على بقك كدا وغمضتى عينك العربية هتقف مثلاً".

وقال آخر: بلاش سيلفى وإنتى بتسوقى الـduck face مش هينفعك،
وقال آخر: "إنتى مش محتاجة تحطى الحزام أول ماتشوفى كمين هو كدة كدة هيشوفك هيعديكى وش"، "بلاش تتلخبطى بين البنزين والفرامل"، "قانون السواقة مفهوش مسك الدريكسيون بإيدكى الاثنين ممكن أيد واحدة مش هيطير والله". "بلاش تشغل النور بالنهار ".